A máxima competición do fútbol feminino español arrinca esta fin de semana cos 18 mellores equipos do territorio nacional loitando polo título. O Dépor ABANCA, despois de ser o equipo revelación e asinar unha gran campaña do ano pasado, Mari Paz Vilas coa súa fichaxe polo Betis, Malena Mieres defendendo as mallas dun Eibar recén ascendido da Liga Reto, Nuria Rábano tras fichar pola Real e Tere Abelleira, que xogará este ano Real Madrid, serán as representantes do fútbol galego na categoría de ouro.
A tempada 2020-2021 da Primeira Iberdrola dará comezo este sábado 3 de outubro, e finalizará, tras a disputa de 34 xornadas, o 27 de xuño do ano próximo. A competición, que cumpre a súa 33ª edición, vén cargada de retos, fichaxes, novas incorporacións e moito acento galego.
Malena Mieres, unha porteira de Primeira
Tras conseguir o billete de ascenso desde a división de prata, o SD Eibar de Malena Mieres militará a partir desta fin de semana na categoría de ouro do fútbol feminino español. A pontesa vén de completar un gran ano baixo os paus do conxunto armero e acadar o ascenso á máxima categoría. O CD Santa Teresa acompañará ao Eibar na súa estrea na Primeira Iberdrola.
Tras o ascenso, Malena Mieres alcanzou un acordo co club para a renovación do seu contrato. A gardamallas ampliou a súa vinculación por dúas tempadas máis con conxunto armeiro e será azulgrana ata 2022.
Malena chegou o pasado verán á disciplina armeira procedente do RC Deportivo da Coruña e con tan só 20 anos converteuse en peza fundamental da pasada tempada. Disputou un total de 19 encontros nos que só encaixou 10 goles.
Tere Abelleira, un estreo moi Clásico
A galega asinou o verán pasado polo Real Madrid e debutará de branco nun dos partidos da xornada, nun Clásico ante as vixentes campioas. Real Madrid-Barcelona, o domingo a partir das 13:30 horas. Tere tentará seguir deleitando cos seus regates e calidade, nun conxunto merengue que debutará na competición como Real Madrid CF.
Xunto a pontevedresa, tamén estará Misa, outra exdeportivista que loitará por seguir demostrando a solvencia baixo paus que amosou en Abegondo e por facerse un oco na portería do Madrid.
Mari Paz, capitana bética
Durante este pasado verán, Mari Paz Vilas, asinaba polo Betis para as dúas vindeiras campañas. Unha xogadora con ampla experiencia na Primeira Iberdrola, campionato no que participou en 14 tempadas desde a súa estrea co Levante na 2006-07. Gol e moita calidade a que leva demostrando a galega durante varios anos.
A súa importancia é tal que, antes de comezar a tempada, o conxunto bético anunciaba as catro capitanas para este ano entre as que está a galega. Chegar e encher.
https://twitter.com/RealBetisFem/status/1311720233971994633
Nesta última etapa no conxunto che acumula máis de 130 goles, converténdose na máxima realizadora da entidade. Mari Paz ten o récord de goles nun partido coa Selección Española no que anotou a friorenta cifra de 7 tantos nun mesmo encontro. Ademais, a actual xogadora che xogou varios clasificatorios, o Europeo Absoluto e a Cyprus Cup que logrou levantar coa Roja.
Nuria Rábano, de Coruña a San Sebastián
A lateral esquerdo seguirá vestindo de branquiazul, seguirá vivindo no norte e seguirá sendo un puñal pola banda esqurda, pero mudará Coruña por San Sebastián, o polbo polos pintxos e Abegondo por Zubieta.
Nuria Rábano chegou á Real coa intención de continuar coa meteórica escalada que vive a súa carreira deportiva. Apenas leva un ano na elite, xa que este 8 de setembro cumprirase un ano do seu debut na máxima categoría, e este pasado verán xa foron varios os clubs interesados en fichala, logrando o conxunto txuriurdin levar o gato á auga. Sen dúbida que a compostelá dará moito que falar en San Sebastián en na Liga Iberdrola.
Anair Lomba: descolgou as botas para xogar no Espanyol da súa vida
Anair Lomba, ‘ Lombi’, fixo realidade o seu soño de volver a “casa” o pasado ano, cando volvía no mercado invernal ao Espanyol dos seus amores. A xogadora da Guarda, que se retirou o pasado verán tras finalizar o seu contrato co Valencia, converteuse o reforzo invernal do Espanyol na pasada campaña.
A galega é unha das referentes do fútbol femenino e unha das mellores e máis míticas deportistas galegas. Esta tempada 20-21 que comeza, enfundarase a camiseta perica para defender o escudo do equipo dos seus amores, o Espanyol de Barcelona.
Sara Tui, referente no Madrid CFF e no fútbol praia
Sara González, coñecida como ‘Sara Tui’ converteuse nun dos referentes da zona de Vigo na máxima categoría do fútbol feminino. A súa primeira experiencia foi no Girona e logo regresou a casa para vivir a tempada na elite do desaparecido ‘El Olivo’.
Logo defendeu durante catro as cores do Granadilla Tenerife e desde o ano pasado, a galega xoga no Madrid CFF, unha das estruturas máis fortes a nivel de fútbol base feminino e que comeza outra tempada máis na máxima categoría do fútbol nacional.
A tudense non só destaca sobre o verde senon que tamén pode presumir de ser campioa do mundo con España nos Beach Games de Doha-2019, da Euro Beach Soccer Cup de 2016 e da Euro Winners Cup de 2019, coa Selección Española de fútbol praia.
O Dépor quere seguir dando que falar
O Deportivo ABANCA encara a estrea ligueira na Primera Iberdrola de mañá sábado 3 de outubro en Lezama ante o Athletic Club coa única baixa por lesión de Helena Torres e as de Kenni Thompson e Sara Álvarez, por decisión técnica.
As herculinas, tras a gran tempada do ano pasado, queren seguir dando que falar e deixar de ser o equipo revelación para asentarse e ser un dos grandes de Liga Iberdrola. A pesar de sufrir saídas importante como as de Tere, Nuria, Misa, Miriam Ríos e María Méndez, as galegas buscar manter as boas sensacións da tempada pasada e situarse como un dos rivais a batir da categoría.
Peke, Iris, Gaby e Alba Merino lideran a este Dépor que aspira dar moita guerra nesta nova tempada que comeza mañá.
https://twitter.com/RCDeportivo/status/1311977505860063232
