A liga galega de roller derby aterra esta fin de semana

Esta fin de semana (o sábado 25 de xaneiro) comeza a liga galega de roller derby no Polideportivo de Elviña II, na cidade de A Coruña. O roller derby é un deporte dinámico, estratéxico e divertido. É feminista, inclusivo e minoritario e autoxestionado.

Nesta competición estarán presenten catro dos seis equipos galegos: as Irmandiñas e Brigantias, da cidade herculina; Sereas Bravas de Vigo e Jabatas de Ourense. A liga funciona como se fose un torneo xa que son poucos equipos.

É importante destacar que nas anteriores edicións permitíase que houbese homes se os propios clubs querían. O fixeron para darlle cabida aos homes posto que en Vigo existe un equipo masculino. Este ano será a primeira vez que a Liga será integramente feminina, o que é moi característico dun deporte maioritariamente practicado por mulleres.

Ao non ser de moi longa duración (dura desde xaneiro ata o mes de abril), cada equipo realizará na súa sede a cita do fin de semana. A hora de saber que quen queda primeiro, segundo, terceiro o cuarto van a unha sede final para disputalo. Ríxese cunha clasificación na que non existe puntuación. Só hai vitorias e derrotas.

A liga é federativa. Conta o apoio da Federación Galega de Patinaxe. Esta pode presumir de ser a federación autonómica con máis equipos nesta desciplina. Nas dúas competicións previas as sendas victorias foron do conxunto olívico, Sereas Bravas.

O primeiro encontro enfrontará o sábado (25 de xaneiro) ás 17.00 horas as Sereas Bravas de Vigo contra as Brigantias de A Coruña. No peche da xornada correrá a cargo das anfitrioas do eventos, as Irmandiñas da cidade herculina. As coruñesas xogarán contra as Jabatas de Ourense ás 19.00 horas.

Catro equipo compoñen a liga galega de roller derby: Dous de A Coruña, un de Vigo e un de Ourense

As anfitrioas son un dos conxuntos da cidade herculina. As Irmandiñas fundadas no mes de setembro de 2016. Soen adestrar no Monte das Moas pero a competición realizaranna no polideportivo de Elviña II. Xogan de verde e Entre todas xestionan as funcións de adestradoras e line up.  O seu plantel está formado por:

• Jammer: Geni Kapowsky (Uxía Romero), Miss Ovarios (Sandra Rodríguez) e JammerBomb (Almudena Fernández).
• Bloqueadoras: Pikara (Berta Souto) e Black Mamba (Ilda Mera).
• Bloqueadoras que poden facer a función de pívot: Delirium (Selene Buendía), Ruthlees (Ruth) e Block Sabbath (Silvia García).

Como en calquera outra disciplina, no roller derby tamén existe os derbis. Nesta ocasións a principal rivalidade é coruñesa. As Brigantias son o outro equipo desta cidade. Fundáronse fai sete anos. Este club converteuse no 2018 no anfritión dos plays off para o Mundial de Clubs. No Pazo dos Deportes de Riazor albergaron esta cita. Adoitan xogar de branco e están compostas por:

• 

  Jammer: Wasabi (Claudia Gómez Señor), Michi (Inés Michinel Sánchez) e Lady Moraton (Rosa Rilo Gómez).

• Benedetti (Ana Benedetti Sanmartín) que é bloqueadoras e jammer.
• Bloqueadoras: Lady Winchester (Clara Fernández Casas), Sid Space (Rachel Marie Haring), Toxic Blonde (Babett Looss), Emmatoma (Emma Oitaven Carracedo), Poison Isy (Isabel Piñar Fraga), Ohana (Raquel Portasany Alonso) e Eyeliner (Marta Vázquez Patiño).
• Bloqueadoras que xogan como pívot: Bulebule (Cristina Cuendias Paredes), The Joker (Olalla Rodríguez Salgado) e Evil Nurse (Eva Sanjuan Meleno).
• Banco: Ichi The Killer (Iciar Cervantes Casanova).
• Line up: Bala (María Inmaculada García Fuentes Corredoira)
• Adestradoras: Evil Nurse (Eva Sanjuan Meleno), Poison Isy (Isabel Piñar Fraga) e The Joker (Olalla Rodríguez Salgado).

Por parte da cidade olívica están as campioas das dúas últimas edicións da liga, as Sereas Bravas. Pola bandeira de Vigo e desde xaneiro de 2013, xogan de vermello e branco no pavillón de Candeán. O seu equipo está composto por:

• Jammer: Arrepíos (Laura Oliveira), Bañera (Iria Aboal), Leidi Di (Diana Vidal) e MartAttack (Marta Colón).
• Bloqueadora: Jolly Roger (Yolanda Fernández), pUXIcat (Uxía Chapela), Rodi Roar (Papu Rodicio), SOS (Sonia Lago) e Wallalla (Olalla Dapena).
• Bloqueadora que xoga como pívot: Iriascible (Iria Dapena, capitana), Severus Skates (Alba Rodríguez) e HELLen (Helena Raña).
• Ademais tamén conta con: Katie Maurer, Marga Cabaleiro, Natalia Villarino, Claudia Cabaleiro, Marga Pastoriza, Laura Agullo, Aran Fernández, Esther Cantón e Claudia Domínguez.
• Line Up: Shally Lion (Seila Fernández) e Skatewalker (Emma Torres).
• Adestrador: FEROZ (Daniel Castro).

Na cidade de As Burgas, en setembro do 2017 xurde o Club Deportivo Jabatas. Cando comezaron contaban con cinco membros. Despois da tempada do 2018/19, varias xogadoras foron acollidas por as Brigantias e Sereas Bravas para formar parte dos seus planteis na competición nacional de ARDE. Agora, dispóñense a disputar a súa segunda Liga Galega con:

• Jammer: Free Vulva (Laura Novoa) e Grorera (Paula Aznar).
• Jammer que xoga de bloqueadora: Canibal Reich (Raquel Tall´n) e La Vaneh (Vanessa Manjarres).
• Bloqueadora: Lady Leño (Patricia Gil), Larantula (Lara Cortizas) e Block Mamba (Lúa Iglesias).
• Bloqueadora que tamén é pívot: Zombeekiss (Victoria Benito) e Hidrógeno (Belén Veleiro).
• Line Up: Virgin Allin (Virginia Álvarez).
• Adestrador: Borjabato (Borja Gómez).

Ademais de estos equipos existen outros dous conxuntos que tamén realizan esta modalidade deportiva. Entre eles está As Lobas de Morgana, naceron en 2016 no pavillón universitario do Campus As Lagoas, no concello de Ourense. Xunto a elas tamén están a Negra Sombra, de Pontevedra.

Por último, e non menos importante, tras mencionar as xogadoras dámonos de conta que teñen nomes deportivos moi chamativos. É moi propio do mundo do roller derby. Como din elas son “nomes de guerreiras“. Teñen que coller un nome derby e é como as chama todo o mundo dentro da comunidade. Trasladouse dos Estados Unidos pero son coma os seus alter egos e sempre teñen unha pequena historia detrás deles con sonoridade e empoderamento.

____________________________________________________________________________________________

ROLLER DERBY: O deporte nacido para as mulleres

Trátase dunha modalidade de contacto sobre os patíns clásicos. Consta de cinco xogadoras por equipo. A duración do xogo é dunha hora.