Tócalle u óso duro de roer ao HC Deportivo Liceo para empezar o seu concurso na Copa da Raíña 2022 da FEP. As xogadoras que adestra Stanis García competirán nesta cita medíndose ás líderes, CP Vila-Sana, no seu primeiro partido. A competición terá lugar do 5 ao 8 de maio en Lleida.
O sorteo non foi xeneroso co conxunto liceísta. O HC Deportivo Liceo terá que xogar coas líderes, o CP Vila-Sana, no seu primeiro partido da Copa da Raíña 2022 para a que están clasificadas.
Xusto o día que arrinca a competición o HC Deportivo Liceo xogará co CP Vila-Sana, actual líder da OK Liga Iberdrola. Actuarán como visitantes. Se gañan, o seu seguinte cruce sería co equipo que saia vitorioso do cruce entre Generali HC Palau de Plegamans – Cerdanyola CH Feníe Energía.
Pola súa parte, o equipo masculino que adestra Juan Copa, deberá enfrentarse ao Reus Deportiu na Copa do Rei o vernes día 6. Actuará como local e, en caso de victoria, xogaría a semifinal contra o equipo gañador do partido entre Lleida e Calafell.
Stanis García: “A ilusión non nola vai a quitar ninguén, imos competir desde o minuto un”
