- O HC Deportivo Liceo, con seis triunfos seguidos no peto vai visitar esta fin de semana ao Generali HC Palau de Plegamans, a cita está fixada para mañá domingo 29 de marzo ás 13:15 horas.
Se isto fose un xogo de naipes diríamos que pintan bastos pero que temos a sorte de cara. Ao conxunto liceísta tócalle xogar contra outro dos colosos da OK Liga Feminina. As seis vitorias seguidas do HC Deportivo Liceo poden quedar aí ou aumentar a sete despois do complicado partido que se celebrará na pista do Generali HC Palau de Plegamans (domingo 20/3/22, 13:15 horas). Unha potencia da competición que, sen dúbida, loitará ata o final polo título de campioas nesta OK Liga 2021-2022.
Stanis García e as xogadoras que adestran viaxarán con confianza e, á súa vez, cautela. Saben que son capaces de sacar algo positivo porque parte da quenda actual foi realidade tras vencer a outros candidatos á OK Liga, como Martinelia CP Manlleu ou Telecable HC. Tampouco significa un triunfo seguro. Só queda continuar traballando ata o último segundo, como se fixo ata o de agora.
O HC Deportivo Liceo chegará a esta 18º xornada como sétimo clasificado con 28 puntos na súa conta particular. Integrante da zona medio-alta da táboa, o obxectivo será lograr a mellor posición posible e avanzar á seguinte fase da competición nesta tempada de retorno á elite do hoquei sobre patíns estatal.
O rival desta data será de dificultade máxima. O Generali HC Palau de Plegamans é un dos equipos con máis opcións para acadar o trofeo a final de curso, aínda que actualmente permanece nun escalón por debaixo dos outros tres contendentes principais. Ocupa o cuarto posto con 40 puntos, seis menos có intratable Vila-sana.
Os seus rexistros débense, en gran parte, a xogadoras de clase mundial. Aina Florenza, Laura Puigdueta, Berta Busquets ou Carla Fontdegloria son algúns dos activos que definen ben o alto potencial deste grupo.
A lista de convocadas do Liceo ten tres tres baixas
O adestrador do HC Deportivo Liceo, Stanis García, non poderá contar con tres xogadoras: Bea Gaete, Naiara Vaamonde (ambas as dúas por problemas físicos) e Mencía Mosquera (que estará nun control coa selección estatal). Así, a convocatoria do conxunto verdibranco queda formada polas seguintes xogadoras: Viki Caretta, Luchy Paz, Adriana Soto, María Sanjurjo, Alba Garrote, Ale Martín, Cris Diz, Lucía Yáñez e Lara Yáñez.
