Ao HC Deportivo Liceo escorrégaselle o triunfo e sofre a súa segunda derrota como local nesta tempada

O final de partido condenou ao  HC Deportivo Liceo á derrota. Ata o minuto 43 as galegas vencían 3-1 ao Igualada Feminí. De feito, déranlle á volta ao marcador xa que empezou marcando o Igualada (0-1). Pero a partir de aí as catalás meteron a directa e empezaron o seu camiño rumbo a unha remontada que remataron por conseguir. Primeiro no 43 marcaba o 3-2 Carolina Herrera quen repetía no 47 co 3-3. A puntilla, no 48, asinouna Aida Mas que puxo o 3-4 no marcador electrónico do Pazo dos Deportes de Riazor da Coruña.

O triunfo do Igualada Femení constitúe a segunda derrota como local na OK Liga Feminina do HC Deportivo Liceo. 

A fortuna non estivo ao lado do HC Deportivo Liceo no seu choque contra o Igualada Femení. As xogadoras de que adestra o técnico Stanis García caeron no seu feudo, o Pazo dos Deportes de Riazor por segunda vez neste curso. A primeira derrota das verdibrancas fora ante o Palau. Nesta ocasión as galegas foron vítimas dunha remontada en contra e in extremis. Tras este resultado, as galegas do HC Deportivo Liceo continúan con 10 puntos na clasifcación da OK Liga Feminina.

O Liceo, empezou perdendo pero chegou a poñerse 3-1

Comezou gañando o conxunto catalán, anotador aos cinco minutos (Pati Miret) despois dun inicio igualado. O golpe non amedrentou ao Liceo, que lle deu a volta ao marcador grazas á goleadora, a bóla de ouro, Adriana Soto (falta directa) e a Alba Garrote. A dorsal 9, responsable do 2-1 parcial, se redimía así dun lanzamento directo errado escasos momentos antes. Xarro de auga fría.

Mellor pintaba o panorama na segunda metade, cando Adriana Soto marcou o 3-1 e deulle algo de tranquilidade ás verdibrancas. Houbo oportunidades para o cuarto e así aproveitar o aturdimiento temporal do Igualada Feminí, superado por momentos.

Desgraciadamente para os intereses liceístas, Carolina Herrera fixo espertar ás súas compañeiras co 3-2. Tivo María Sanjurjo unha ocasión de anotar de falta directa pero no ti a ti, gañou o duelo nesa ocasión Cristina Riba. A partir de aí, o que chegou foi o minuto tráxico que decidiu o partido. Do 47 ao 48, a propia Carolina Herrera e Aida Mas estableceron o 3-4 final. Ambos os dous goles chegaron froito de senllos contragolpes.

Puido anotar Carolina Herrera unha falta directa no último suspiro do partido pero Viky Caretta cubriu ben os espazos e o disparo da xogadora do conxunto catalán rematou por dar no pau.

O HC Deportivo Liceo buscou o empate utilizando a cinco xogadoras de pista, pero non nin por esas o logrou.

Pouco tempo haberá para recuperarse nas filas liceíastas. O vindeiro martes 1 de febreiro tocaralle ás verdibrancas que adestra Stanis García visitar a pista dun dos cocos da categoría, nada menos que ao Vila-Sana, segundo clasificado con 27 puntos no seu casilleiro. O Vila-Sana so perdeu coas líderes, o Martinelia CP Manlleu, que marchan invictas con 10 partidos gañados de 10 disputados. E vai segundo con dous partidos pendentes de disputarse, os mesmos que ten pendente o equipo que encabeza a clasificación da Ok Liga Feminina a estas alturas da competición.

O partido do CP Vila-Sana e HC Deportivo Liceo está fixado para ás 20:30 horas.

FICHA TÉCNICA