Cabeza e corazón. Sentiño e paixón. Esos foron os ingredientes que fixeron posible que o HC Deportivo Liceo fixera realidade o seu paso a semifinais da Ok Copa Iberdrola. Derrotar ao todopoderos Vila-Sana era unha tarefa colosal, pero fíxose. Houbo que chegar aos penaltis pero as verdibrancas dan un paso máis na loita pola Copa da Raíña en terras de Lleida e seguen a soñar con todo. Por que non?
O seguinte reto, outro óso, o Palau. Outra pedra máis no camiño á final. O partido de semifinais terá lugar o sábado 7 ás 11:00 horas.
Que para o conxunto galego, que regresaba este ano á elite, se meta en semifinais da Copa da Raíña é un mérito colosal indudable. O HC Deportivo Liceo: que adestra Stanis García sorprendeu a todo o mundo e eliminou ó poderoso Vila-Sana. Falamos do líder da OK Liga Iberdrola. Un equipo, sobre o papel, superior ás galegas. Pero o conxunto coruñés está nesta fase por méritos propios e, a un partido, todo e posible. Con todo, o Vila-Sala, púxolle as cousas realmente complicadas ás verdibrancas. Só cedeu nos penaltis.
#CopaOKIberdrola | La magia de la #CopaOKIberdrola
@hoquei_vilasana – @HCLiceoFem pic.twitter.com/giLTVIyjOW
— RFEPatinaje (@FedPatinaje) May 5, 2022
Dez segundos tardou a galega María Sanjurjo en adiantar ó HC Deportivo Liceo. Un abrir e pechar de ollos. Alba Garrote disparou e a dorsal 8 aproveitou o rexeite, aínda que un minuto despois vería un importante cartón azul.
Ver esta publicación en Instagram
Tivo como resultado o empate do conxunto local, atado ó talento da goleadora Luchi Agudo. A súa falta directa foi detida por Viki Caretta antes de que, tal e como ocorreu no 0-1, materializara a segunda oportunidade.
Un inicio trepidante que foi a menos. Vila-Sana e Liceo entraron entón nunha fase de máis tanteo que caeu do lado das xogadoras que prepara Stanis García, intelixentes á hora de aproveitar os puntos fracos do seu rival. Adriana Soto, cunha xogada individual de gran calibre, venceu a Bento e colocou o 1-2 que chegaría ó descanso. Puido incluso chegar o terceiro mediante Lara Yáñez.
#CopaOKIberdrola | La FEICIDAD que trae la #CopaOKIberdrola
@hoquei_vilasana – @HCLiceoFem pic.twitter.com/3PJ5mTtUy6
— RFEPatinaje (@FedPatinaje) May 5, 2022
O Vila-Sana reaccionou ó regresar e obrigou ó Liceo a aplicar un manual de resistencia. Ben levado a cabo, ademáis. Viki mantivo sen efectividade ás atacantes contrarias e María Sanjurjo, ó definir de xeito maxistral un pase de Bea Gaete, colocou o 1-3. O seu segundo da noite. O soño parecía cobrar vida.
Aínda así, as amarelas demostraron potencial e empataron o partido nun minuto de gloria de Luchi Agudo, foi o 39. De novo tocaba manual de resistencia. Ese 3-3 campou ó final do tempo principal, así que o Onze de Setembre gozou dunha prórroga.
Da prórroga, aos penaltis que deron o partido ao Liceo
Pareceu levalo o HC Deportivo Liceo a falta de escasa marxe cando María Sanjurjo completou o seu triplete, pero un polémico penalti transformado por Flor Felamini (4-4) levou a acción ós penaltis. Foron de cor verdibranca despois doutra exhibición de Viki Caretta.
#CopaOKIberdrola | ¡!
El Deportivo Liceo elimina al CP Vila-Sana en la tanda de penaltis después de un duelo que nos ha dejado sin aliento
@hoquei_vilasana 4-4* @HCLiceoFem pic.twitter.com/KhVPkraK8b
— RFEPatinaje (@FedPatinaje) May 5, 2022
Así foi este primeiro paso verdibranco que leva ás galegas cara ás semifinais da Copa da Raíña. A aposta do club galego segue a ser #TodoÓVerde. Seguinte reto, vencer ao Palau o sábado ás 11:00 horas.
FICHA TÉCNICA
CP VILA-SANA: Sandra Bento; Vale Fernández, Luchi Agudo, Flor Felamini e Victoria Porta – quinteto inicial -. Tamén xogaron: Laura Barcons, María Porta, Judit Ortega, Maria Gaivéu e Laia Navarrete (p.s.).
HC DEPORTIVO LICEO: Viki Caretta; María Sanjurjo, Alba Garrote, Lara Yáñez e Adriana Soto – quinteto inicial -. Tamén xogaron: Bea Gaete, Alejandra Martín, Luchy Paz, Lucía Yáñez e Mencía Mosquera (p.sp.).
GOLES: 0-1 (María Sanjurjo, min. 1). 1-1 (Luchi Agudo, min. 2). 1-2 (Adriana Soto, min. 16). 1-3 (María Sanjurjo, min. 32). 2-3 (Luchi Agudo, min. 39). 3-3 (Luchi Agudo, min. 39). 3-4 (María Sanjurjo, min. 57). 4-4 (Flor Felamini, de penalti, min. 58).
EQUIPO ARBITRAL: Erik Rivas Martín e Gemma Bravo Ponferrada. Amosaron cartón azul á liceísta María Sanjurjo.
INCIDENCIAS: Copa da Raíña 2022, OK Copa Iberdrola. Partido correspondente aos cuartos de Final disputado no Pavelló Municipal Onze de Setembre da cidade de Lleida.
#CopaOKIberdrola | @hcpalau y @HCLiceoFem, primera semifinal de la Copa de la Reina @iberdrola 2022 ✅
El sábado, a las 11:00h, se enfrentarán buscando la final
ℹ️+info: https://t.co/VC07L01Hbe pic.twitter.com/SSn4bUqOUZ
— RFEPatinaje (@FedPatinaje) May 5, 2022
