Volta á casa unha de As Nosas deportivistas. Lía, Rosalía Muíño González, retorna a Galicia e a vestir as cores branquiazuis.
Nada na Coruña o 13 de febreiro do 2000, a xogadora galega vén de comprometerse coa entidade herculina até o mes de decembro.
Muíño, formada na canteira do Victoria CF, foi unha das compoñentes do primeiro equipo do Dépor ABANCA cando se creou ao comezo da temporada 2016-2017.
A centrocampista completou tres temporadas no conxunto herculino, nas que foi unha das futbolistas máis utilizadas por Manu Sánchez, xa que disputou 72 partidos, nos que marcou 13 goles.
Ademais, a xogadora coruñesa formou parte do Deportivo ABANCA que logrou o histórico ascenso a Primera Iberdrola ante o CD Femarguín, o 19 de maio de 2019.
Aquel foi o seu último partido até agora coa camiseta branquiazul, posto que puxo rumbo a Estados Unidos para formar parte do equipo da Universidade de South Florida. Lía reincorporarase ao conxunto de South Florida Bulls de cara ao ano 2021, xa que ningunha competición universitaria norteamericana arrancará antes de que finalice este ano. Até entón, será novamente unha de As Nosas deportivistas.
Muiño narrou a súa experiencia en USA para As Nosas
Nunha reportaxe elaborada en marzo por As Nosas sobre deportistas galegas no extranxeiro Muíño, futbolista declaraba, como futbolista galega en EE.UU. que o fútbol en Estados Unidos “ten moita máis repercusión que en España. Ademais teñen moi en conta esta disciplina e cada vez veñen máis deportistas a USA.
