Xornada de vitorias e derrotas para os conxuntos galegos la Liga Femenina 2 (LF2), na que o Maristas Coruña continúa liderando a táboa tras a súa cuarta vitoria consecutiva, nesta ocasión ante o Horbisa Spirit Barakal (53-56). Tamén son catro os triunfos que acumula o Mariscos Antón Cortegada, que se sitúa no segundo posto da clasificación. Mentres tanto o C.B. Arxil cae ata o último lugar da competición.
Maristas Coruña mantén o liderato na LF2
O Maristas Coruña, acada a súa cuarta vitoria en liga no encontro no que se mediu ao Horbisa Spirit Greenkw Barakal (53-56), disputado o pasado sábado en Biscaia. As galegas continúan invictas e líderes da LF2, o que presaxia un curso cargado de ilusión para o cadro coruñés. O obxectivo para as galegas agora é manter esta boa dinámica e continuar á cabeza da competición.
O próximo partido será contra o Abril Abda Sanfer, o vindeiro día 1 de novembro ás 20:00 horas en Avilés.
Ver esta publicación en Instagram
FICHA TÉCNICA
PARCIAIS: 12-14, 99-17, 15-14, 17-11
EQUIPO ARBITRAL: Luis Juli Gándara e Adrián Pérez Martínez
INCIDENCIAS: Partido correspondente á cuarta xornada da Liga Femenina 2 LF2, disputado no Polideportivo
Lasesarre (Barakaldo).
O Mariscos Antón Cortegada, nun bo momento
O Mariscos Antón Cortegada sube ata a o segundo posto da táboa na LF2 tras vencer ao Manresa CBF A (57-64).
As galegas, dirixidas por Manuel Santos Nores, non coñecen a derrota no presente curso. Esta vez o triunfo foi ante o Manresa CBF A (57-64) en campo rival.
Acumulan pleno de vitorias e sitúanse na segunda posición da clasificación na LF2, só por detrás de outro conxunto galego: o Maristas Coruña. É pouca a marxe que separa aos dous equipos. A día de hoxe, o cadro herculino conta con 290 puntos a favor e 241 en contra, mentres que as arousanas, acumulan 280 a favor e 245 en contra, unha distancia mínima tendo en conta que aínda corre o tramo inicial da tempada.
Ver esta publicación en Instagram
No próximo encontro mediranse ó Horbisa Spirit Greenkw Barakal, o vindeiro 1 de novembro as 18:10 horas en Vilagarcía de Arousa.
FICHA TÉCNICA
PARCIAIS: 11-15, 9-17, 14-16, 23-16
EQUIPO ARBITRAL: Andrés Miguel Maluenda e Susana Pascual Tejedor
INCIDENCIAS: Partido correspondente á cuarta xornada da Liga Femenina 2 LF2, disputado no Pavelló Nou
Congost (Manresa)
Horizonte pouco esperanzador para o C.B. Arxil
Non corren bos tempos para o C.B. Arxil que acumula a catro derrotas seguidas. O conxunto pontevedrés volve sufrir un dura derrota (66-38), a cuarta no que vai de liga. Un duro golpe que as mantén no último posto da clasificación da LF2.
Se na xornada anterior sufrira un duro revés no seu campo no encontro que as medía ao Mipelletymas B.F. León (57-98), esta vez o conxunto galego tampouco foi quen de plantarlle cara ao TNG Básket A, un rival que parecía asequible, xa que ata o momento perdera todos os partidos disputados.
Ver esta publicación en Instagram
O futuro tórnase cada vez máis sombrizo para un Arxil que non da indicios de que poida remontar a situación para salvar a categoría.
Tocaralle medirse agora ó Talenom Boet Mataró, o próximo sábado 1 de novembro ás 18:00 horas en Pontevedra.
FICHA TÉCNICA
PARCIAIS: 20-12, 21-8, 13-6, 12-12
EQUIPO ARBITRAL: Hernan Lobotti e Mario González Mimbiela
INCIDENCIAS: Partido correspondente á cuarta xornada da Liga Femenina 2 LF2, disputado no Palacio Municipal de los Deportes de Catalunya Consultar estatísticas da FEB
