O Dépor ABANCA no viaxa a Barcelona pensando só en defenderse, pero sabe que, en fronte, terá a un rival tan complicado que cada detalle defensivo pode ser crucial. As Nosas deportivistas traballaron esta semana accións defensivas, pero non renuncian ao ataque. Ademais, o bloque contará por primera vez na tempada co concurso de Letti Sevilla, que estivo lesionada e, por fin, entra nunha convocatoria.
O Dépor ABANCA non quere “saír a defender ou estar a defender a maior parte do partido. Querémonos impór a nivel ofensivo, ter a pelota e estar en campo contrario, pero somos conscientes da dificultade do rival, e que cando che quite o balón pode ser que sexas capaz de recuperalo rápido ou pode ser que teñas que ser intelixente para interpretar cando tes que recuperalo”.
O partido xógase hoxe, sábado 19 de novembro ás 16:00 horas no Campo 7 da Ciutat Esportiva Joan Gamper. Este partido que medirá ao Dépor ABANCA co FC Barcelona B , corresponde á 9ª xornada da Primera Federación FutFem.
Tal e como declaraba a adestradora deportivista Irene Ferreras o equipo coruñés traballou “certas cousas a nivel defensivo, pero oxalá o necesitemos o menos posible porque sexamos capaces de impornos en fase ofensiva”.
Decía na previa Irene Ferreras, adestradora das branquiazuis, que o choque vai ser “un partido bonito como adestradora, porque supón un reto, interpretar o que vai pasando a pesar do que ti prevés que vai pasar. É un partido que o fútbol feminino vai gozar moito porque son dous equipos que practican moi bo fútbol”.
As branquiazuis chegan ao choque con 17 puntos na 2ª posición da táboa, só superadas polo SD Eibar, líder con 20 puntos.
Hai quince días, as pupilas de Irene Ferreras sumaron con xustiza os tres puntos en Abegondo ante o SE AEM (1-0) grazas a un gol de Sara Navarro no último minuto de tempo engadido.
Ao fin entra nunha convocatoria a futbolista Letti Sevilla
Por primeira vez na temporada, Irene Ferreras ten á súa disposición a todo o cadro, incluída Letti Sevilla que entra, por fin, nunha convocagoria do Dépor ABANCA. Letti Sevilla xa está recuperada da lesión que a mantivo alonxada da competión neste arranque da tempada 2022-23.
Sobre esta futbolista, a técnica deportivista explicaba que é “unha xogadora que nos vai a dar moito non só a nivel de campo senón tamén a nivel de vestiario. A pesar da súa mocidade, ten unha madurez e unha experiencia que para este proxecto é moi importante e ademais permítenos non ir tan limitadas no mediocampo que estabamos a ter con Paula Gutiérrez e con Henar. Está a facer un traballo impecable pero as temporadas son longas e imos necesitar de todas”.
Queda na Coruña Carlota Sánchez, que “está a adestrar connosco pero igual fáltalle algo de ritmo competitivo pero teño a todo o cadro dispoñible, e contenta por iso”, apuntou a este respecto a adestradora branquiazul.
A lista de convocadas por Irene Ferreras é a seguinte e nela está, co dorsal 21, Letti Sevilla:
Pola súa banda, o FC Barcelona B, que durante boa parte deste tramo inicial de liga relacionouse cos de arriba, perdeu algo de fol. Neste momento da competición, o filial culé é sexto con 14 puntos no seu casilleiro.
As azulgranas caeron na última xornada (2-0) ante o SD Eibar, líder. No entanto, nas súas filas figuran nova futbolistas que se acaban de proclamar recentemente campioas do mundo Sub-20 e medalla de ouro no Europeo Sub-19. Falamos de deportistas como: Meritxel Font, Esther Laborde, Ari Mingueza, Julia Bartel, Ornella Vignola, Salma Paralluelo, Martina Fernández, Alba Caño e Ona Barabad.
No seu feudo e no que vai de liga, as catalás gañaron ao CD Alba Fundación Femenino (4-1) e Athletic Club B (3-0); e igualaron co DUX Logroño (2-2) e o CP Cacereño Femenino (1-1).
