- José Ramón Lete Lasa di que “para conseguir o tesouro da proba máis dura da natación en augas abertas de España e unha das máis duras de Europa, os 78 deportistas han de coñecer os segredos da baía de Vigo”.
- Lembra a importancia do deporte federado como demostra o estudo do Instituto de Investigación Biomédica da Coruña e o protocolo FISICOVID-DXTGALEGO.
O secretario xeral para o Deporte, José Ramón Lete Lasa ,e mais a delegada da Xunta en Vigo, Marta Fernández Tapias, presentaron esta semana a IX Edición da Travesía a Nado Batalla de Rande – Trofeo Carlos Conde que terá lugar o vindeiro 19 de xuño de 2021e cubrirá os 27 quilómetros entre as Illas Cíes e a Illa de San Simón.
O mandatario galego fixo un repaso da historia da Batalla de Rande e o mito que conta que alí atópase soterrado o tesouro dos galeóns españois que viñan de América, asegurando que “para conseguir o tesouro da proba máis dura da natación en augas abertas de España e unha das máis duras de Europa, os 78 deportistas han de coñecer tamén os segredos da baía de Vigo”. Uns segredos que enumerou como “a lonxitude do percorrido, 27 quilómetros; as correntes existentes na ría e a temperatura da auga, 15º e con tramos de 13º”.
Lete Lasa tamén sinalou como un dos segredos máis importantes de Galicia, “a inigualable paisaxe marítima galega como demostran o parque nacional das illas Cíes e a illa de San Simón e que conforma unha espléndida contorna que conta cun indubidable interese deportivo e turístico”. Deste xeito salientou que “a saúde e o benestar van, obrigatoriamente, collidos da man da natureza e o deporte”.
José Ramón Lete Lasa, secretario xeral para o Deporte da Xunta de Galicia, salienta na presentación da IX Edición da Travesía a Nado Batalla de Rande que “A saúde e o benestar van, obrigatoriamente, collidos da man da natureza e o deporte”
Nesta liña lembrou o estudo preliminar do Instituto de Investigación Biomédica da Coruña en colaboración co Sergas que asegura que a incidencia da enfermidade pola COVID-19 é inferior no deporte federado nos mesmos rangos de idade e en ambos os sexos que na poboación xeral.
Asemade, subliñou a importancia do FISICOVID-DXTGALEGO, o protocolo de actuación de todo o sector deportivo galego durante a pandemia.
Lete Lasa salienta os beneficios da actividade física federada
Por todos estes motivos que poñen de manifesto os beneficios da actividade física federada, Lete Lasa fixo fincapé en que este ano e por primeira vez, “todos os participantes, os 78, son deportistas federados e que tamén é o primeiro ano en que o Club Natación Batalla de Rande toma a substitución da Asociación Deportiva Illas Cíes-San Simón na organización da proba e tamén, por primeira vez, da man da Federación Galega de Natación”.
Na presentación da IX Edición da Travesía a Nado Batalla de Rande o secretario xeral para o Deporte da Xunta, Lete Lasa, puxo en valor que: “todos os participantes, os 78, son deportistas federados e que tamén é o primeiro ano en que o Club Natación Batalla de Rande toma a substitución da Asociación Deportiva Illas Cíes-San Simón na organización da proba e tamén, por primeira vez, da man da Federación Galega de Natación”.
