- A Fundación Deporte Galego publicou a segunda resolución sobre a convocatoria de ‘Axudas Reto Galicia Tokyo con Igualdade’ que en total concede 300.000 euros aos deportistas olímpicos e paralímpicos galegos en Toquio.
- A páxina web www.galiciaolimpica.gal permanecerá atenta a todo o que aconteza para os galegos e galegas nos Xogos Paralímpicos: calendario, resultados e entrevistas personalizadas para coñecer máis a fondo aos deportistas que compiten baixo a bandeira de Galicia.
Coincidindo co inicio dos Xogos Paralímpicos de Tokyo 2020 secretario xeral para o Deporte, José Ramón Lete Lasa, confía en que a delegación paralímpica galega acade “unha participación tan exitosa” como a da delegación olímpica.
No tocante o número de participantes, tras os 20 deportistas galegos e 5 con licencia galega que competiron nos Xogos Olímpicos, a delegación paralímpica tamén acada un éxito de participación cun total de 14 deportistas galegos e 2 guías, representando o 15% de toda a delegación olímpica nacional.
Deste xeito, do 24 de agosto ao 5 de setembro competirán en Toquio: Juan Antonio Saavedra (tiro olímpico), Martín de la Puente (tenis en cadeira de rodas), Alejandro Vidal (taekwondo), Jacobo Garrido e Chano Rodríguez (natación), Manuel Lorenzo, David Mouriz, Agustín Alejos e Vicky Alonso (baloncesto en cadeira de rodas), Desirée Vila, Gustavo Nieves e Adiaratou Iglesias (atletismo), Adrián Mosquera (piragüismo), Susana Rodríguez Gacio (tríatlon e atletismo) e o guías desta última Celso Comesaña e o de Héctor Catalá, Gustavo Rodríguez, que é galego.
GaliciaOlimpica.gal, a web para seguir tamén os Xogos Paralímpicos
Cómpre salientar que a páxina web www.galiciaolimpica.gal permanecerá atenta a todo o que aconteza para os galegos e galegas nos Xogos Paralímpicos de Toquio.
Ademais do calendario dos deportistas galegos con todos os detalles das probas nas que compiten, o espazo web tamén informa ao momento sobre os seus resultados. Do mesmo xeito, contén extensas entrevistas personalizadas para coñecer máis a fondo as e os deportistas que compiten baixo a bandeira de Galicia nestes Xogos Paralímpicos, de igual xeito que xa fixera cas e cos deportistas galegos nos Xogos Olímpicos.
A Fundación Deporte Galego publicou a segunda resolución sobre a convocatoria de ‘Axudas Reto Galicia Tokyo con Igualdade’ que en total concede 300.000 euros aos deportistas olímpicos e paralímpicos galegos en Tokyo 2020. Polo de agora, un total de 26 deportistas galegos xa foron subvencionados grazas ás dúas primeiras resolucións.
