O secretario xeral para o Deporte, José Ramón Lete Lasa, asistiu na mañá de hoxe e participou na entrega de medallas do XXVII Campionato Galego de Atletismo Adaptado, organizado pola Federación Galega de Deporte Adaptado e que tivo lugar nas pistas de Fontecarmoa.
Alí, o mandatario galego, José Ramón Lete Lasa. destacou o excelente momento do deporte para persoas con diversidade e valorou o esforzo e o sacrificio constante dos deportistas galegos e galegas que contan con algunha discapacidade, lembrando que nos últimos Xogos Paralímpicos de Toquío, o 87,5% dos deportistas galegos regresaron entre os oito mellores do mundo.
Neste sentido, o secretario xeral para o Deporte, José Ramón Lete Lasa, destacou as dúas medallas olímpicas de Adi Iglesias (100 e 400 metros), ou os diplomas olímpicos de Desirée Vila (salto de lonxitude) e de Gustavo Nieves (maratón), éxitos acadados no atletismo.
Un total de 18 clubs e 200 atletas, participaron neste Campionato galego no que se se disputaron un total de 55 probas das diferentes categorías (xogo, adaptada e competición) como carreiras dende 60 metros a 3.000 metros e os concursos de salto de lonxitude e lanzamento de peso.
