Suman e seguen. As Leonas XV non teñen parada nin rival. Coas xogadoras galegas do CRAT Residencia Rialta Paula Alevín Medín e Mónica Castelo nas súas filas, veñen de gañar con rotundidade a Países Baixos (87-0) e proclamarse, así, por oitava vez, quinta consecutiva, campioas de Europa. Este trunfo supón para España un paso máis cara ao Mundial de New Zealand 2021.
Alevín Medín saiu de inicio e foi a capitá, mentres que Mónica Castelo entraba no campo no minuto 71 en substitución de Cristina Blanco.
A Selección feminina de rugby XV ofreceu todo un espectáculo ofensivo ante Países Baixos. O Estadio Pedro Escartín de Guadalaxara foi un escenario perfecto para o encontro, no que as xogadoras que adestra o seleccionador estatal, José Antonio Barrio, non deixaron dúbidas da súa superioridade.
Tres minutos fixeron falta para que María Losada, de volta tras a súa lesión de xeonllo, abrise a lata para España pousando tras unha potente melé. Esta foi a tónica de todo o encontro.
Unha Selección feminina de rugby XV realmente moi enchufada en ataque, que atafegou ás flamencas con ensaios de todo tipo.
Os nervios iniciais que facían ás leonas españolas incorrer en imprecisións ás que non nos teñen afeitos se evaporaron pronto, e o tres cuartos comandada por unha brillante Anne Fernández de Corres souberon ler perfectamente o partido. Nada menos que oito ensaios na primeira metade pousaron as Leonas, para irse ao descanso cun cómodo 46-0.
A segunda metade foi case un calco exacto dos 40 minutos que lle precederon. As Leonas continuaron dominando en absolutamente todas as facetas do xogo, e os cambios coas pernas frescas achegaron aínda máis velocidade ao ataque español.
As Leonas avanzan cara ao Mundial New Zealand 2021
Finalmente, nada menos que 15 foron os ensaios pousados polas leonas españolas, para declararse, cun autoritario marcador de 87-0, campioas de Europa de novo. Con este claro triunfo, as españolas que, adestra José Antonio Barrio, conseguen dar un paso adiante máis de cara á súa clasificación para a disputa do Mundial de Rugby XV de New Zealand 2021.
Este é o oitavo entorchado europeo para as Leonas XV e o quinto que conseguen de xeito consecutivo.
Neste encontro debutou coa Selección Española de Rugby XV a xogadora Sidorella Bracic e a galega Paula Alevín Medín exerceu como capitá das Leonas españolas.
FICHA TÉCNICA
87 ) ESPAÑA: 1. Saioa Jaurena (min. 59, 17 Marta Estellés), 2. Cristina Blanco (min 71, 16 Mónica Castelo), 3. Laura Delgado (min. 64, 18 Sidorella Bracic), 4. Anna Puig (min. 54, Lourdes Alameda), 5. Carmen Castellucci, 6. Olivia Fresneda, 7. Paula Alevín Medín (capitá), 8. María Losada (min. 48, 20 María Calvo), 9. Lucía Díaz, 10. Anne Fernández de Cores (min. 57, 21 María García), 11. Bea Domínguez (min. 40, 23 Elisabeth Segarra), 12. Amaia Erbina (min. 54, 22 Uribarri Barrutieta). Lide Erbina, 14. Alba Vinuesa, 15. Amalia Argudo.
0 ) PAÍSES BAIXOS: 1. Irene Jansen. 2. Kendra Jonas, 3. Nicky Dix, 4. Judith Frinking, 5. Inger Jongerius, 6. Robin Zuiderhoek, 7. Liza de Wild, 8. Linde Van Der Velden (capitá), 9. Marit Lemmens, 10. Jordan Heil, 11. Lieve Stallman, 12. Quen Makkinga, 13. Hiske Blom, 14. Mireille Nieuwenhuis. 15. Noa Donkersloot. Suplentes: 16. Jara Bunnik 17. Julia Morauw, 18. Merel Van Kampen, 19. Michaja Van Capel, 20. Tamara Stock, 21. Dido Denier Van Der Gon, 22. Kim Dekker, 23. Flore Voogd.
MARCADORES:
- Minuto 3 Ensaio de María Losada / 5-0
- Minuto 10 Ensaio de Bea Domínguez / 10-0
- Minuto 14 Ensaio de Lide Erbina e Transformación de Amalia Argudo / 17-0
- Minuto 15 Ensaio de Amalia Argudo / 22-0
- Minuto 22 Ensaio de Bea Domínguez e Transformación de Amalia Argudo / 29-0
- Minuto 24 Ensaio de Lide Erbina e Transformación de Amalia Argudo / 36-0
- Minuto 30 Ensaio de Alba Vinuesa / 41-0
- Minuto 37 Ensaio de Laura Delgado / 46-0
- Minuto 48 Ensaio de Elisabet Segarra / 51-0
- Minuto 50 Ensaio de Alba Vinuesa e Transformación de Amalia Argudo / 58-0
- Minuto 53 Ensaio de Alba Vinuesa / 63-0
- Minuto 56 Ensaio de Saioa Jaurena e Transformación de Amalia Argudo / 70-0
- Minuto Ensaio de María García / 75-0
- Minuto 63 Ensaio de María García e Transformación de Amalia Argudo
- Minuto 76 Ensaio de Alba Vinuesa e Transformación de Amalia Argudo / 87-0.
