Na División de Honra Prata, só un equipo galego xoga na súa casa. En La Bombonera, o SAR Rodavigo enfrontarase ao pechacancelas da clasificación, o Palencia Turismo. O CdeC Lavadores, o Porriño e o Carballal viaxan en busca da segunda vitoria consecutiva.
O Lavadores xoga ante o líder da Prata
Non será un fin de semana doado para o conxunto vigués. O CdeC Lavadores pon rumbo ás illas Canarias para enfrontarse o líder da clasificación, o Balonmano José Obrero Lanzarote o sábado (1 de febreiro, ás 18.00 horas) no pavillón municipal de Titerroy.
As xogadoras de Vigo chegan a Lanzarote na oitava posición da táboa con 16 puntos. Ademais veñen de gañar por unha amplia vitoria ante o Palencia Turismo por un 36 a 22. O seu rival, é o primeiro con 30 puntos. Na xornada 17 venceron ante o Siero Deportivo por 6 goles de diferenza, 39 a 33.
“Estamos con bastantes baixas. Viaxamos a casa do líder e vai a ser un partido complicado pero a intención é competir e loitar ata o final para conseguir algo positivo”, comenta Anxo Otero, o adestrador do Lavadores, para As Nosas. Na xornada cinco xa se enfrontaron en Vigo e tan só se quedaron a dos goles, 27 a 29.
DATOS DE INTERESE
DÍA E HORA: 1 de febreiro, ás 18.00 horas.
CAMPO: Pavillón Municipal de Titerroy – Lanzarote.
ÁRBITROS: Víctor Rodríguez González e José Carlos Palenzuela Cruz.
INCIDENCIAS: Partido correspondente a xornada 18 a División de Honra Prata no que enfrontará ao Balonmano José Obrero Lanzarote ante o CdeC Lavadores no Pavillón Municipal de Titerroy.
O Porriño enfróntase o Comercial Usal
Tras a vitoria do fin de semana pasado ante o Balonmano Gijón, o Rubensa Porriño desprázase ata a cidade de Valladolid. Este sábado (o 1 de febreiro, ás 20.30 horas) en a Rondilla disputarán a xornada 18 contra o Comercial Usal.
As vallisoletanas non están no seu mellor momento. Levan unha racha de tres partidos perdidos sendo o úlitmo, o Lanzarote Zánzomas. Aínda así son sextas con 20 puntos. Cunha diferenza de catro están as de Porriño. Agora mesmo son novenas. No partido disputado na cidade galega, o Ulsa levouse a vitoria cun electrónico de 22 a 24.
DATOS DE INTERESE
DÍA E HORA: 1 de febreiro, ás 20.30 horas.
CAMPO: Pavillón Polideportivo Rondilla – Valladolid.
ÁRBITROS: Desire González Fernández e Samuel Prieto Merino.
INCIDENCIAS: Partido correspondente a xornada 18 a División de Honra Prata no que enfrontará ao Comercial Usal Hand Vall e o Rubensa Porriño no Pavillón Polideportivo Rondilla.
O pechacancelas, o Palencia Turismo, aterra en Vigo
Este fin de semana (o domingo 2 de febreiro, ás 12.30 horas) o pavillón municipal de Redondela recibe ao pechacancelas da División de Honra Prata, o Palencia Turismo para enfrontarse coas locais do SAR Rodavigo.
“Afrontamos o partido con moita ilusión despois das dúas ultimas vitorias. Traballamos para manter a intensidade ante un rival que a súa situación da táboa parece moi alcanzable pero nos pode dar unha sorpresa xa que seus partidos son vitais para conseguir os puntos necesarios para non descender”, comenta Elisardo González, o adestrador das de Redondela para As Nosas.
As de Redondela son décimas con 12 puntos. Sumando dúas vitorias consecutivas sendo a última ante o Tejina Tenerife. O rival, como ben dixo Elisardo, atópase nunha situación crítica, é o último con tan só catro puntos de dúas victorias. Na xornada 17 perderon ante o Lavadores. No pavillón Mariano Haro, a pista do Palencia, as da cidade olívica xa conseguiron a vitoria por un 33 a 35.
DATOS DE INTERESE
DÍA E HORA: 2 de febreiro, ás 12.30 horas.
CAMPO: Pavillón Municipal de Redondela – La Bombonera.
ÁRBITROS: Álvaro Sierra Bordallo e Javier Jímenez Tejada.
INCIDENCIAS: Partido correspondente a xornada 18 a División de Honra Prata no que enfrontará ao SAR Rodavigo contra o Palencia Turismo no Pavillón Municipal de Redondela, la Bombonera.
O Carballal busca a segunda vitoria ante o Siero
O A.D. Carballal desprázase o domingo (2 de febreiro, ás 13.00 horas) a comunidade veciña. No Nuevo Polideportivo Municipal de Pola de Siero albergará a súa cita da xornada 18 contra o Siero Deportivo.
“Chegamos cunhas cantas baixas por estudos e lesións. Estamos pendentes da evolución de Sara Román que na sesión do mércores lastimouse o nocello. En canto o rival, teñen unha defensa moi forte acompañada dun rápido contraataque. Non debemos confiarnos posto que para mi a súa clasificación é moi enganoso xa que é un rival moi difícil”, falou para As Nosas, o adestrador do Carballal, Javier Castro
As asturianas son undécimas con seis puntos. Na xornada anterior perderon ante o Lanzarote San José Obrero. En canto as galegas, tras a vitoria contra o Lanzarote Puerto del Carmen por 25 a 24, son sétimas con 18. A pesar de que pode ser moi enganoso, na xornada 5, o Carballal gañou cunha diferenza de dez goles, 36 a 26.
DATOS DE INTERESE
DÍA E HORA: 2 de febreiro, ás 13.00 horas.
CAMPO: Nuevo Polideportivo Municipal de Pola de Siero – Asturias.
ÁRBITROS: Francisco Fernández Herrero e Adrián Rodríguez Valdes.
INCIDENCIAS: Partido correspondente a xornada 18 da División de Honra Prata no que enfrontará ao Siero Deportivo co A.D. Carballal no Nuevo Polideportivo Municipal de Pola de Siero.
