Laura Santos do Lucus Caixa Rural cun bo rexistro de 34:27 e El Mehdi El Nabaoui do Oriente Atletismo con 31:27, proclamáronse campións de Galicia Absolutos na edición autonómica dos 10K organizada esta fin de semana no Concello de Ames.
Nun día con moita choiva e meteoroloxía adversa, clumplíronse os prognósticos con triunfos claros para os gañadores. Nesa proba do atletismo galego os deportistas gañadores estiveron acompañados no podio pola internacional Sandra Mosquera do Comesaña con 37:53 e por Isabel Caeiro do Gimnástica de Pontevedra con 38:55. No tocante á categoría masculina, o subcampionato foi parar ao lucense do Lucus Esteban Vila con 31:48 sendo o bronce para Anxo Castro do Vicky Foods con 31:58.
Destácase os sete triunfos obtidos polos atletas do Club Atletismo Sar así como o récord galego de Elvira Tresguerras do Club Atletismo Sar na categoría Máster70 cun rexistro de 1h.12:29, segundo informa a Federación Galega de Atletismo.
No resto de categorías as gañadoras e gañadores foron:
- Absoluto. Laura Santos (Lucus Caixa Riral) e El Mehdi El Nabaoui (Oriente At.)
- Sub23. Alba Pérez ( C.A.Negreira) e El Mehdi El Nabaoui (Oriente At.)
- Sub20. Isabel Caeiro (S.Gimnástica) Yago I.García (Santiago At.)
- Máster35. Victorina Losada (Ourense At.) e Rubén Caamaño (C.A.Sar)
- Master40. Rocío Alvite (C.A.Sar) Rubén Diz (Ourense At.)
- Máster45. Raquel Ramos (A.D.Olimpia) e Alejandro Pesado (C.A.Sar)
- Máster50. Mª Aurora González (C.D.Pinarium) e Manuel Oliver (C.A.Sar)
- Máster55. Manuela Rodríguez (CD La Purísima) e Manuel Suárez (C.A.Sar)
- Máster60. Luz Mª Domínguez (Burgas Ou.) Manuel Suárez (Vet.Samil)
- Máster65. Ramiro Pérez (C.A.Sar)
- Máster70. Elvira Tresguerras (C.A.Sar) e Xosé L.Otero (C.A.Santiago)
- Máster75. Manuel Míllara (Comesaña SC)
