O duelo galego da División de Honra Prata cae nas mans do A.D. Carballal. Gañáronlle ao CdeC Lavadores por un electrónico de 25 a 21, onde Laura Rúa foi a máxima goleadora con seis tantos. Xa o avisaba Uxía Ferreiro, a porteira do Lavadores, que Rúa podía facerlles moito dano. Esta vitoria é a cuarta consecutiva para un Carballal que está en racha e o Lavadores suma a súa terceira sen gañar un partido.
“Estivemos case todo o partido cunha renda de tres a catro goles. Lavadores mantívose no partido grazas ao seu contraataque mentras que a clave para nós foi facernos coa vitoria grazas a boa defensa realizadas”, dixo o adestrador do Carballal, Javier Castro, para As Nosas.
No descanso as locais iban dous goles por riba, pero tralo descanso saíron moito máis forte. A cinco xornadas do final da tempada, o Carballal viaxará ata León, a seguinte semana, para enfrontarse ao Rodríguez Cleba na 21. O Lavadores, sen embargo, recibe na casa, no pavillón municipal de Lavadores, ao Balonmano Gijón.
FICHA TÉCNICA
A.D. CARBALLAL: Inés López, Ángela Rodríguez, Uxía Alonso, Laura Rúa, Lidia Portela, Area Martínez, Paula Amorin, Sara Román, Silvia Leiras, María Pereira, Alba Amoedo, Antía Seijo, Adriana Mallo, Carla Caride e Patricia Mallo.
CdeC LAVADORES: Ainoa López, Gemma Martínez, Paula Rey, María Álvarez, Antía Estevez, Laura Piñeiro, Arima López, Lorena Barreiro, Uxía Ferreiro, Aba Costa, Eva Costas, Ana Benavides, Ana Rodríguez, Marta Díaz, Ana Isabel Gil e Mónica Mata.
MARCADOR CADA 5′: 2-2, 4-3, 7-5, 10-6, 11-8, 13-10, 16-12, 18-15, 21-16, 22-16, 23-17, 25-21.
ÁRBITROS: Julio Villanueva Pérez e Pablo Álvarez Vázquez.
INCIDENCIAS: Partido correspondente a xornada 20 a División de Honra Prata no que enfrontou ao A.D. Carballal contra o CdeC Lavadores no Pavillón Municipal de Carballal.
