O pasado domingo, 10 de xaneiro, pechábase o Campionato de España de Ciclocrós, cunha xornada na que competiron as ciclistas elite-sub23 e júnior da Selección Galega. O mellor resultado acadouno Laura Mira, cunha prata en júnior.
A ciclista do club Avanza-O Porriño Laura Mira logrou situarse na segunda posición, detrás da asturiana Lydia Pinto. Cu ntempo de 49:14.1.01, foi quen de superar a Ainara Albert, que chegou á meta medio minuto despois da galega.
Pero Mira non foi a única galega que competiu na categoría. Tamén o fixeron as súas compañeiras de Selección Sofía Álvarez, do Cambre e Sonia Domínguez, do XSM club. A primeira delas asinou un tempo de 52:35.531, o que lle mereceu a duodécima posición. Doce postos máis abaixo quedou Domínguez, rozando a hora e a once minutos da campioa.
Na competición de elite-sub23, a representante galega foi Carla Fernández, do CC Farto. A ciclista non logrou facer un bo torneo e finalizou na décimo sexta posición, a 11:26 da primeira clasificada, Lucía González.
Outra galega que é habitual nesta categoría pero para o Campionato nacional non estivo clasificada foi Irene Trabazo. A ciclista do XSM Club quedou fóra da competición malia os seus éxitos en Galicia.
A Selección Galega tivo máis sorte na apertura do Campionato, onde logrou cinco podios femininos, en detrimento do único acadado por Laura Mira na clausura.
O ciclocrós galego cólgase seis medallas na apertura do Campionato de España