- Carlos Manuel Duarte da Silva, xunto ao seu copiloto Sancho Ramalho foron os primeiros clasificados, seguidos por Jose Manuel Pérez Aicart e Javier Herrera, mentres que a terceira praza foi para Guido Guerrini con Artur Prozak
- Nas probas puntuables para o CEEA venceron Pérez Aicart e Herrera, en eléctricos, Ángel Santos e Mario Osma, en híbridos enchufables, e Laura Aparicio con Jorge Garcés, en híbridos.
O 9.º Repsol Eco Rallye A Coruña despediu hoxe a súa edición máis extensa coa entrega de premios na praza de María Pita nun acto onde entregaron os distintivos o conselleiro de Presidencia, Xustiza e Deportes da Xunta de Galicia, Diego Calvo, o edil de Deportes do Concello da Coruña, Manuel Vázquez e Benjamín Muñoz, director territorial Noroeste Multienergía de Repsol.
Ver esta publicación en Instagram
O 9.º Repsol Eco Rallye A Coruña pechou hoxe a súa novena edición, a segunda como proba puntuable para a Bridgestone FIA Eco Rallye Cup, coa entrega de premios nas súas diferentes categorías.
Na clasificación mundialista, os vencedores foron Carlos Duarte da Silva e Sancho Ramalho, a bordo dun BMW i3, seguidos de José Manuel Pérez Aicart e Javier Herrera co seu Hyundai Kona Electric, mentres que Guido Guerrini e Artur Prusack finalizaron terceiros cun KIA e-Niro.
No Campionato de España de Enerxías Alternativas, dentro da categoría de vehículos eléctricos, a vitoria correspondeu a José Manuel Pérez Aicart e Javier Herrera.
O segundo posto foi para Nuno Miguel Silva e Ivo Miguel Martins cun KIA EV3, e o terceiro para Eduardo Carpinteiro e Jose Carlos Mendes, tamén cun KIA EV3.
Na categoría de híbridos enchufables, o triunfo foi para Ángel Santos e Mario Osma, que aos mandos dun Toyota C-HR Hybrid Plug-in certificaron ademais a súa vitoria no campionato nacional desta modalidade.
A segunda praza foi para Miguel Anxo Vilas e Jorge Fernández cun Jaecco, mentres que o terceiro lugar ocupárono Pablo García e Tiffany Araújo, tamén cun Toyota C-HR Hybrid Plug-in.
En híbridos, a primeira posición foi para Laura Aparicio e Jorge Garcés; o segundo posto lográrono David Pérez e David Sánchez; e o terceiro correspondeu a Jesús Ángel Domínguez e Adolfo González-Almuiña.
Ver esta publicación en Instagram
Ao tratarse de participantes da Copa Kobe, todos os equipos desta categoría competiron cun Toyota Yaris.
A entrega de trofeos do 9.º Repsol EcoRallye A Coruña contou coa presenza do conselleiro de Presidencia, Xustiza e Deportes, Diego Calvo; o edil de Deportes do Concello da Coruña, Manuel Vázquez; o director territorial Noroeste Multienergía de Repsol, Benjamín Muñoz; así como representantes da Federación Española de Automobilismo, a FIA e Escuadra A Coruña.
Con iso, o 9.º Repsol Eco Rallye A Coruña pon fin á súa edición máis extensa, na que máis de cincuenta participantes percorreron un total de 574 quilómetros, atravesando 39 municipios e penetrándose por primeira vez na provincia de Lugo.
