Laura Aliaga seguirá unha tempada máis co Durán Maquinaria Ensino. A alero alicantina vén de renovar por cuarto ano consecutivo o seu contrato co club lucense.
“Espero que sexa un ano cheo de éxitos e de bo baloncesto, que seguro que será así. Vémonos en setembro. Desde Alicante con amor”, declaraba a xogadora nun vídeo difundido en redes polo Ensino.
Buenos días!!! hoy es lunes pero no es un lunes cualquiera…. ya no tenemos estado de alarma y las cosas se ven con más optimismo, así que a pesar de ser lunes tenemos muy buenas noticias…. pic.twitter.com/z4wZvJkHYQ
— Ensino Lugo (@EnsinoLugoCB) May 10, 2021
Aliaga en números
A baloncestista Laura Aliaga, con pasado noutro club galego como o AD Cortegada, chegou no 2018 ao Ensino. Desde entón, a alero seguiu medrando co equipo.
Na súa primeira tempada só puido disputar a liga regular, na que acumulou unha media de valoración de 2,7 puntos, disputando máis de 18 minutos por partido e destacando desde o tiro libre, cun 57,1% de acerto.
Na seguinte tempada xa puido desfrutar da Copa da Raíña, ademais da competición regular, nun partido no que anotou 6 puntos, e disputou 17 minutos. Na liga aumentou a súa valoración respecto á anterior campaña en tres puntos, mellorando os seus números no tiro libre e no triplo, cun 81,8% e un 41,9% de acerto medio respectivamente.
Na última tempada, Aliaga foi a quinta xogadora con máis minutos no Ensino, cunha media de 24:18 en 30 partidos disputados. No apartado anotador foi tamén a quinta nos tiros de tres, acertando en 42 de 120 ocasións. No encontro de Copa foi quen de anotar a metade dos tiros de dous que disparou e competiu nos dous partidos do play off, nos que asinou tres asistencias.
