“Lembra que o 12 e o vermello sempre van estar contigo”. Ese é o título que ten un vídeo que o Durán Maquinaria Ensino fixo hoxe público nas súas redes sociais para decirlle adeus cun sorriso e bos desexo a Laura Aliaga.
Hoy toca la parte más amarga, hoy despedimos a nuestra capitana tras cinco temporadas en Lugo. Hasta pronto @laura_aliaga12 ‼️‼️‼️
👶🏻 el rojo y el 12 siempre van estar contigo
👧empecé a jugar al baloncesto por ti
❤️🩹👇https://t.co/eZg7ifSt6g pic.twitter.com/BABNd3l84e— Ensino Lugo (@EnsinoLugoCB) May 1, 2023
A frase a pronuncia un dos pícaros da canteira do Ensino Lugo. Na peza audiovisual, ademais de verse diferentes momentos de Laura Aliaga coa elástica do Durán Maquinaria Ensino, falan membros da afección, persoal do club, e deportistas da base. Todas e todos eles deséxanlle a Laura Aliaga o mellor no seu futuro.
Loly Villares, Millán Gómez, Manuel Durán, son algúns dos rostros que se ven neste vídeo que homenaxea á xogadora no seu adeus ao Durán Maquinaria Ensino. Ata Héctor e Paco do Restaurante España prometen que para ela “sempre haberá un chuletón de boi agardando en Lugo.
Con todo se cadra o mellor dos legados que deixa Laura Aliaga en terras lucenses recóllese no plano final do vídeo no que unha nena coa camiseta do Ensino confesa sorrindo “comencei a xogar ao baloncesto por ti”.
Marcha Laura Aliaga pero deixa unha fonda pegada en Lugo e semente de futuras xeracións de deportistas no CB Ensino.
