Este luns, a futbolista Lara Balseiro, do Pescados Rubén Burela, foi a encargada de inaugurar a primeira xornada do proxecto ‘O Camiño que nos Une‘. Esta iniciativa, promovida pola Asociación de Amigos do Camiño de Santiago da Provincia de Lugo, ten como obxectivo fusionar mocidade, igualdade e inclusión.
Coas rutas xacobeas como fío conductor, este proxecto conta con varias deportistas lucenses que visibilizarán as súas experiencias persoais e profesionais en materia de igualdade.
A primeira en facelo foi a Guerreira Laranxa Lara Balseiro, quen falou virtualmetne co alumnado do CPI Uxío Novoneyra, de Pedrafita do Cebreiro. Esta localidade foi escollida, como “porta de entrada a Galicia para tantas persoas peregrinas e por ser un dos puntos emblemáticos da ruta máis popular da provincia, o Camiño Francés”.
Tamén estivo presente Ángel Trabada, presidente da Asociación de Amigos do Camiño, quen se encargou de facer un percorrido polas achegas dos catro Camiños oficiais da provincia desde o punto de vista cultural e socioeconómico.
As outras sete deportistas que acompañan a Balseiro
Completando o equipo de deportistas que participan en ‘O Camiño que nos une’ están a atleta Alessandra Aguilar, a xogadora de volei Nuria Bouza, a piragüista Tania Fernández, a judoka Sara Álvarez, as atletas Saleta Fernández e Adiaratou Iglesias, así como Hilda Rodríguez, primeira deportista galega en acadar unha medalla nuns Xogos Paralímpicos (Atlanta 1996).
Oito deportistas lucenses concienciarán sobre igualdade e Xacobeo no proxecto ‘O Camiño que nos une’
Seguindo esta iniciativa, as deportistas lucenses serán o exemplo do impacto positivo das rutas do Camiño contactando con centrous de dous municipious por cada un dos Camiños: Francés, do Norte, do Sur ou do Inverno e Primitivo.
En total, o listado de centro inclúe a:
- CPI Uxío Novoneyra de Pedrafita do Cebreiro
- IES do Camiño de Palas de Rei
- IES Plurilingüe San Rosendo de Mondoñedo
- IES Basanta Silva de Vilalba
- IES Francisco Daviña Rey de Monforte de Lemos
- IES Lama das Quendas de Chantada
- CPI de Castroverde
- IES Lucus Augusti
