Continúa a celebración de campionatos de Galicia esta fin de semana e faino nas modalidade de lanzamentos, fondo e campo a través.
Para comezar a fin de semana de atletismo galego poderemos disfrutar do Campionato Xunta de Galicia de lanzamentos longos Sub20, Sub18 e Sub16 no que preto dun cento de atletas están chamados a tomar parte.
Entre a relación de inscritos e inscritas estarán no céspede de Balaídos o internacional do Atletismo Sada Nicolás Ortega tomando parte no concurso de lanzamento de disco ao igual que a tamén internacional Blanca Pereira do Ourense Atletismo en martelo e disco, ambos na categoría Sub-20.
Tamén contaremos ca participación dos campións galegos de pista cuberta Sub-18 Gema Dacosta do Vila de Cangas concursando en disco e Brais Díaz do Maderas Barcia Lourenzá en xavelina, malia que serán Enzo Moure da Atlética Barbanza e Erika Fernández do Atletismo Narón quenes partan como favoritos nas citadas probas
O campión galego de combinadas indoor Su16 Nuno Castro do Millaraio estará tomando parte nas probas de xavelina e de disco proba esta última na que o campión galego de aire libre Sergio Fernández do ADAS CUPA acredita a mellor marca dos participantes.
Sobre o martelo veremos as progresións da plusmarquista de España de categorías inferiores, Marta Hermida do Celta, ao igual que na xavelina estará tomando parte a campia galega de aire libre Antía Otero do Atletismo Narón
Temén estaremos moi pendentes das evolución de Diego Martínez e Ignacio Sposito en disco Sub18; Franscisco del Alcazar en marterlo Sub16; Alfonso Lobella e Ignacio Saavedra en martelo Sub-18 e Sub20; Eva Santos en martelo Sub20 e Lara Liste e Laura Rico na Sub16 e Sub18 de xavelina todos eles medallistas dos pasados campionatos de Galicia de Aitre libre.
Campionato Xunta de 10.000 m e de 5.000 m
Por outra banda tamén poderemos ver o desenvolvemento do Campionato Xunta de Galicia dos 10.000 m. para as categorías Absolutas, Sub23 e máster así como a dos e 5.000 m. para as Sub18 e Sub20.
Entre a relación de inscritas figura a presenza de dúas das grandes referentes do Comesaña, a internacional Sandra Mosquera e a tamén internacional, e unha das nosas máis importantes atletas máster, Soledad Castro as cales tomarán parte na proba dos 10.000 m.
Na categoría Sub-23 masculina interesante man a man entre os atletas do Real Club Celta Hugo García, campión galego Sub-20 dos 3.000 do ano pasado e Hugo Suárez, campión autonómico de campo a través Sub-23 desta edición.
O tamén campión galego dos 3.000 m. Sub-18 Victor Ramos do Triki Team aspira ao título nos 5.000 m. ai igual que Ainoa Gontán do S.D. Compostela quen xa lograra este ano o subcampionato galego de campo a través Sub-20.
Campionato Xunta de Galicia XOGADE de campo a través
Noutro orde de cousas mañá, sábado 4 de marzo, terá lugar en A Pobra o Campionato de Galicia XOGADE de campo a través para atletas en idade escolar.
Acuden a esta cita de campo a través os dous primeiros equipos clasificados da fase provincial así como os dez primeiros atletas individuais que estarán competindo sobre o circuito da Praia de Cabio a partir das 10.45 horas.
