O sexto e o cuarto clasificado da Segunda División de futsal xogan esta finde. A Fervenza (6º) visita ao Lacturale Orvina o vindeiro sábado ás 19:00 horas, mentres o Castro (4º), equipo revelación da tempada, viaxa o domingo á Fuente de la Mora ás 13:00 no Municipal de Castro a un Valladolid moi necesitado de puntos.
O Castro recibe ao Valladolid nunha semana díficil
O conxunto de Castro de Rei non tivo unha semana doada na previa do partido contra o Valladolid. As galegas tiveron moitos problemas debido as baixas tanto por lesións como por baixas laborais e tan só puideron contar cun día de adestramento.
“A situación nosa non é a máis doada con respecto ás lesións. Andrea será dúbida e Verónica será baixa tres semanas por unha rotura de fibras. Esta semana só puidemos facer un adestramento”, lamentábase Martínez durante a previa.
Martínez, adestrador do Castro: “A situación nosa non é a máis doada con respecto ás lesións. Andrea será dúbida e Verónica será baixa tres semanas por unha rotura de fibras. Esta semana só puidemos facer un adestramento”.
VIAXES AMARELLE
O adestrador galego falou da dificultade do calendario nesta segunda volta e será unha boa maneira de medir a calidade do conxunto que debuta este ano na categoría de prata do futsal. “O calendario desta segunda volta non é o máis axeitado para nós xa que temos que visitar a equipos moi necesitados de puntos e recibir na casa a equipos de arriba que loitan por meterse na promoción de ascenso”, aseguraba Martínez.
Martínez, adestrador do Castro: “O calendario desta segunda volta non é o máis axeitado para nós xa que temos que visitar a equipos moi necesitados de puntos e recibir na casa a equipos de arriba que loitan por meterse na promoción de ascenso”.
O técnico galego tamén tivo tempo para recordar o complicado que foi a vitoria no duelo de ida: “No partido da ida contra o Valladolid, elas demostraron que son un gran equipo e sufrimos moito para poder gañar por 2-1. Agora ademais chegan coa moral moi alta despois superar ao Rodiles no seu feudo.
Martínez, adestrador do Castro: “No partido da ida contra o Valladolid, elas demostraron que son un gran equipo e sufrimos moito para poder gañar por 2-1”.
As rosas buscarán asaltar o templo pamplonica
A Fervenza, xoga este sábado ante un rival directo como é o Orvina. O conxunto pamplonica está a tan só tres puntos das ferrolás, e de acadar unha vitoria, igualarían a puntos ás de Chipi. As galegas buscarán unha vitoria e mirar cara os postos de arriba ao mesmo tempo que poñerían terra de por medio cun rival directo.
No partido partido de ida, galegas e navarras asinaron as táboas no pavillón da Malata. Un partido de máxima igualdade tal e como se espera neste duelo da segunda volta.
