As Guerreiras Laranxas do Burela querían ir a La Resistencia, pedírono, e tiveron tal apoio na rede que David Broncano e o seu equipo convidáronas hoxe, xoves 11 de febreiro de 2021, ao programa de televisión, un dos máis coñecidos hoxe en día no panorama televisivo estatal.
O estado de forma do Pescados Rubén Burela no cinco contra cinco feminino estatal está fóra de toda dúbida. Son as actuais campioas de Liga, Copa e Supercopa. Teñen a triple coroa no seu haber.
Pero é que, ademais, as campionísimas galegas do Pescados Rubén Burela veñen de ser elixidas recentemente como o mellor equipo de fútbol sala feminino do mundo pola publicación FutsalPlanet nos seus Awards 2020. Tamén Peque e Julio Delgado, o adestrador, quedaron segundos nas súas categorías.
Ao programa de MovistarPlus acudirá, en representación da plantilla, a futbolista Lara Balseiro, que onte xa dicía nas redes que tiña un notición, acompañada de Peque e a porteira Jozi Oliveira.
A burelista Lara Balseiro fixo campaña en Twitter, pediu likes e acadou máis de 660.
Dadle a me gusta 🧡⬇️ si os gustaría ver al @burelafs en @LaResistencia 📺🎙🤟🏽
⬇️⬇️⬇️⏬⏬⏬⬇️⬇️⬇️
— Lara Balseiro. (@LaraBalseiro) February 8, 2021
Nas súas redes sociais o Pescados Rubén Burela xa avisaba da ‘escapada’ das tres guerreiras.
🚗 ¿A donde van @pgmota7, @larabalseiro y @jozi_oli1?
🤔 Si hoy no es día de partido… pic.twitter.com/3sq6UwPf5o
— Pescados Rubén Burela FS (@burelafs) February 11, 2021
E onte, como deciamos, Lara Balseiro daba pistas.
⬇️⬇️ QUE SERÁ? ⬇️⬇️ pic.twitter.com/eyBi9VB13s
— Lara Balseiro. (@LaraBalseiro) February 10, 2021
La Resistencia é un dos programas máis vistos hoxe en día na televisión en España. Trátase dun espazo audiovisual que emite MovistarPlus e que responde ao formato que chaman late-late. Nel fanse entrevistas distendidas e diferentes.
Por onde sairán as Guerreiras Laranxas? Será quen David Broncano de seguirlles o xogo? Meteralle un gol a Jozi (campioa do mundo con Brasil) en forma de pregunta? Aguantará un regate verbal de Peque? E Lara Balseiro, a autora intelectual do asalto das Guerreiras á Resistencia, resistirá o interrogatorio de Broncano sen rir?
Saberémolo esta noite en #LaResistencia.
✊ El mejor equipo de fútbol sala femenino del mundo es español: @burelafs #LaResistencia @LaraBalseiro @pgmota7 @Jozi_Oli1 pic.twitter.com/QIn4ZnnT6q
— La Resistencia en Movistar+ (@LaResistencia) February 11, 2021
