Na fase de promoción da Primeira División Galega Xuvenil que se disputaba esta fin de semana no pavillón municipal de Milladoiro. Enfrontábanse os equipos dos clubs CV Korbis, CV Narón, CV Bruxas e CV Ourense co obxectivo de alcanzar unha das dúas prazas na máxima categoría autonómica xuvenil de volei.
Fase de ascenso a 1ª División Xuvenil Feminina#ClubVoleibolBruxas #Over #NON #DeporteGalego #XuntaDeGalicia #ConcellodeAmes #Abanca #DeputacionDaCoruna #ApartamentosAntares #HotelSanLazaro #PastelonDoCamiño #LosAngelesGas #CasaAbelleira #TropicBurguer #PizzeriaTivolino #Gadis pic.twitter.com/3eyO6bs27Y
— Club Voleibol Bruxas (@ClubVoleibolBru) May 27, 2021
A compatición arrincaba ás 10:00 co enfrontamento entre os CV Korbis (Monforte) e os CV Narón. As monfortinas dominaron o encontro en todo momento e conseguiron dobregar con comodidade a un loitador Narón que quedaba ás portas do ascenso.
Ás 12:00 sería a quenda do Aceites Abril Voleyourense que xogaba ante o anfitrión da fase, o CV Bruxas. As ourensás demostraban as súas ganas de non perder a categoría e dominaban o encontro desde o inicio do primeiro set. Só durante o segundo parcial púidose ver unha certa igualdade no marcador, pero finalmente non foi suficiente para que o Bruxas puidese levar ningún set e o partido finalizaba cun claro 3 sets a 0 a favor das de Ourense e a permanencia asegurada.
Pola tarde, e cos deberes feitos por parte dos equipos, disputaríanse os encontros do terceiro e cuarto posto e a final de exhibición, ambos os encontros serviron para que os adestradores dos equipos puidesen dar minutos de xogo a todas as súas xogadoras.
A clasificación final desta fase pola permanencia da Primeira División Galega Xuvenil foi a seguinte:
- CV Korbis
- Aceites Abril Voleyourense
- CV Narón
- CV Bruxas
