As deportivistas Kika, Gaby e Michelle Romero foron convocadas pola Directora Técnica da selección de Venezuela, a italiana Pamela Conti, para unha concentración que terá lugar en Antalya (Turquía), do luns 2 ao mércores 11 de marzo.
A Federación Venezolana de Fútbol aínda non confirmou os partidos que xogará o combinado nacional durante a súa estancia no país otomán durante esta data FIFA.
As futbolistas branquiazuis viaxarán tras o partido da 22ª xornada da Primeira Iberdrola ante o CD Tacón na Cidade Deportiva do Real Madrid, que se disputará a fin de semana do 29 de febreiro e 1 de marzo, e estarán de regreso a tempo para o seguinte compromiso do Dépor ABANCA.
