- O CRAT Residencia Rialta anuncia unha nova fichaxe para o que queda de tempada 2022-23, a neerdanlesa Kaylee Geerlings.
As baixas obrigaban a reforzar o bloque de xogadoras do equipo coruñés. Con este escenario, o CRAT Residencia Rialta volve incorporar a unha xogadora de Nederland, a cuarta esta tempada. Trátase de Kaylee Geerlings, que cumprirá 22 anos en xaneiro, actúa habitualmente de defensora, unha posición na esta tempada xa xogaron Elsa, Alevín, Estela e Selene. Precisamente, estas dúas últimas non continuarán o que resta de campaña, polo que o CRAT necesitaba sumar efectivos nesa posición.
“Non sei realmente o que esperar desta experiencia, é a miña primeira vez xogando no estranxeiro”, afirma Kaylee Geerlings. A neerlandesa atoparase nas filas do CRAT Residencia Rialta cos seus compatriotas Kyra Elzinga, Nicky Dix e Quen Makkinga. “Preguntáronme se quería axudalas a elas e ao equipo na segunda volta. Creo que a súa presenza facilitarame a adaptación, é moi bo contar cunhas compatriotas no equipo”, asegura a nova incorporación do CRAT.
Ao contrario que as outras tres neerlandesas do CRAT, Kaylee Geerlings nunca foi internacional. Polo menos nun partido oficial, pois si xogou coa Selección de Países Bajos en encontros de preparación. Kaylee Geerlings provén do Rugby Club The Bassets, da localidade holandesa de Sassenheim. Mide 170 centímetros, pesa 65 quilos e, aínda que a súa posición natural é a de defensora, Kaylee tamén desempeñou o rol de centro e alera.
A chegada de Kaylee Geerlings súmase á de Anna Caplice
O alta de Kaylee Geerlings únese á da internacional irlandesa Anna Caplice. Ambas veñen para reforzar a liña de tres cuartos, a máis castigada por lesións e baixas nas filas do CRAT Residencia Rialta. As dúas xogadoras estranxeiras xa estarán na Coruña para poder disputar o primeiro encontro da segunda volta contra Crealia El Salvador o 15 de xaneiro en Elviña.
O cadro valisoletano é a gran sorpresa desta Liga Iberdrola tan impredicible. As coruñesas tratarán de facer bo o empate na última xornada en Sant Cugat cunha nova vitoria como locais que lles permita seguir na pelexa polo as prazas que dan acceso ás eliminatorias polo título.
