- O novo reforzo das Loitadoras é Karyna Malachias unha xogadora de 24 anos de idade que foi internacional en categorías inferiores con Brasil.
- “Estamos moi contentos coa fichaxe de Karyna. Vai ser a súa primeira experiencia fóra de Brasil e nos alegramo moito de que nos elixira a nós para vivila”, destaca Pascual Saurín
Karyna Malachias é un reforzo de luxo para o centro da rede do CV Arenal Emevé. A central mide 1,93 metros e ten experiencia en clubs como Osasco o Pinheiros da Superliga brasileira.
Despois de asegurar a continuidade de dous alicersces do equipo como son Carolina Camino e Lucía Prol, o CV Arenal Emevé suma agora un reforzo de luxo para o centro da rede: Karyna Malachias.
A central brasileira de 24 anos de idade e 1,93 metros de altura chega desde Voley Valinhos, da Superliga B de Brasil, aínda que ten experiencia en varios dos equipos punteiros da máxima categoría no seu país como Osasco o Pinheiros.
Con Osasco Karyna Malachias logrou Campionato Paulista na campaña 20-21, curso na que tamén chegaron ás semifinais da Copa de Brasil e a Superliga.
A nova xogadora do CV Arenal Emevé foi ademais unha habitual das concentracións das categorías inferiores da canarinha coa que logro unha medalla de ouro no Campionato Suramericano Sub-20. Nesa mesma categoría defendeu tamén as cores do seu país no Campionato do Mundo.
O adestrador do CV Arenal Emevé, Pascual Saurín, non pode ocultar a súa satisfacción pola chegada de Karyna e sinala que “estamos moi contentos coa fichaxe de Karyna. Vai ser a súa primeira experiencia fóra de Brasil e alegrámonos moito de que nos elixira a nós para vivila”.
Saurín: “Karyna Malachias vainos dar presenza no centro da rede”
Sobre a brasileira Pascual Saurín destaca que “nos vai a dar o que o equipo necesita: presenza no centro da rede. Destaca tanto polo bloqueo como polo ataque e iso vainos a facer equilibrar moito o noso sistema de ataque porque a colocadora aí vai ter unha arma máis onde poder elixir. Ao final trátase de equilibrar todo o que é o sistema de xogo”.
Coa chegada de Malachias son xa tres os nomes confirmados do persoal da próxima tempada: Lucía Prol, Carolina Camino e Karyna Malachias.
