Cristy Shedimar Tojo Velasco e Ruth Lorenzo Couso, medalla de ouro en Kata Discapacidade Visual Feminino e prata en Kumite Sénior Feminino -55kg, respectivamente, na primeira fase da Liga Nacional de Karate Cadete, Senior e Para-Karate.
Ao longo do 3 e 4 de outubro, sábado e domingo deste pasado fin de semana, celebrouse na cidade de Guadalajara a primeira fase da competición estatal. Foi esta a primeira competición celebrada no ámbito nacional tras a aparición da COVID-19.
Nunhas xornadas marcadas pola aplicación dos novos protocolos sanitarios que permitiron a volta do deporte na complexa situación actual, a Federación Galega de Karate foi quen de facerse con dúas medallas para o seu casilleiro feminino.
A primeira delas caeu da man da karateka Cristy Shedimar Tojo Velasco. A atleta e directora do clube Ávalon Kai logrou subirse ao máis alto do podium na categoría de Kata Discapacidade Visual Feminino, facendo valer así a súa experiencia tras os máis de 20 anos que leva practicando este deporte milenario.
Ruth Lorenzo, prata
A teense Ruth Lorenzo Couso non quixo faltar á festa e completou o casilleiro galego con unha medalla de prata, logrando igualar a segunda posición que xa conseguira nos campeonatos nacionais do 2019.
Desta maneira finalizou á participación das karatekas galegas nesta primeira fase do campionato, competencia na que tamén participou a integrante do clube River Stone, Lucía Herrero Valcarce.
Participacións adicionais:
Liga Nacional Masculina (3 de outubro de 2020)
- Xavier Santos Veiga (San Francisco Teo): kumite sénior -67 kg.
- Víctor Mallo Rodríguez (EK Franza): kumite sénior -67 kg.
Ademais participarán en calidade de árbitros:
- José Ignacio Muñoz Pérez.
- David González Vázquez.
