O pasado sábado, 8 de febreiro, disputouse en Asturias o Sector Oeste do Campionato de España Junior, clasificatorio para a fase final do Campionato de España da categoría. Dous judokas galegos, June Moreno (-70kg) e Manuel Pérez (-90kg) participaron na competición como integrantes da Selección Galega. Alex Carnero (-73kg) do Grupo Bazán tamén participou na proba.
Ambos os judokas, June e Manuel obtiveron magníficos resultados clasificándose en terceira posición obtendo así a clasificación para o Campionato de España Junior a disputar en Madrid o 22 de Febreiro.
Alex pola súa banda, despois de realizar 4 magníficos combates, perdeu o combate polo Bronce, quedando nun meritorio 5º posto, aínda que sen opción para participar no Campionato de España. Á proba acompañoulles como seleccionador Alberto Castro.
