A pasada fin de semana, 15 e 16 de Febreiro, disputouse en Fuengirola a edición 2020 da Copa de Europa de España Cadete. A este evento, e formando parte da Selección Galega de Judo Cadete grazas á súa boa tempada na categoría e os resultados mostrados no Junior, desprazáronse June Moreno e Manuel Perez, acompañados por Alberto Castro, que exerceu funcións de Técnico Galego da Categoría.
Ambos os judokas participaron na xornada dominical, na que se disputaron as competicións correspondentes aos pesos pesados. June, que competiu en +70kg, enfrontouse en primeira rolda á portuguesa Alexandra Morais, número 30 da clasificación mundial e ao cabo terceira na competición, coa que perdeu por Ippon tras un combate moi duro. A competidora portuguesa perdería na seguinte rolda, deixando á galega fóra da repesca.
Pola súa banda, Manu (-90kg) enfrontouse en primeira rolda ao judoka ruso Adam Sangariev, número 4 da clasificación mundial e ao cabo campión, co que perdeu por Ippon. Na repesca, contra o judoka portugués Lourenzo Pimenta, nun combate máis igualado, repetiu o resultado anterior.
Campionato de España Junior
June e Manu atópanse concentrados nestes momentos en Fuengirola, co equipo galego, preparando a súa próxima cita, que será esta fin de semana en Madrid, onde participarán como compoñentes da Selección Galega Junior na fase final do Campionato de España da categoría, grazas aos resultados obtidos na fase sector oeste disputada fai dúas fin de semana.
