Julio Delgado, adestrador do Pescados Rubén Burela, valorou a final na rolda de prensa despois da cerimonia de entrega de trofeos. Afirmou que o partido fora moi desputado, como di o resultado e a que ás laranxas faltoulles frescura ao principio. “Pensabamos chegar mellor e a elas co partido que tiveron o venres viuselles mais frescas de mente, na pista. O partido podería ter caído para calquera lado e ao final a moeda caíu do noso lado porque tivemos un pelin de acerto mais que elas”, valorou Delgado sobre o devenir do encontro.
Sobre a presión alta do AD Alcorcón FSF, o adestrador recoñeceu que moitas veces é difícil plasmar na pista o se traballa durante semanas para propoñer un partido. “O meu equipo non foi o de outras ocasións, non foi un xogo fluído, costounos saír de catro”, engadiu sobre esta cuestión.
“Se me preguntaran antes do partido, tería dito que a condición fisica ía influír moito, así como aspecto mental. Porén, unha vez pasado o partido, está claro que foi unicamente o acerto. Non houbo moitas situacións claras, defendemos moi ben a situación de 5 contra 4. A ilusión e as gañas que puxeren os dous equipos demostráronse no campo”, cometou sobre se ás madrileñas lles pudo ter afectado xogar o venres contra o Ourense Envialia.
Julio Delgado, adestrador do Pescados Rubén Burela: “A mensaxe deuna o fútbol sala feminino. Os tres equipos demostraron que son unhas guerreiras. Unha situación tan complicada non fixo mella e o espectáculo dado nos dous partidos estivo a altura do que merece este deporte”
Delgado afirmou que cando se ten tan cerca un título, non fai falta motivar dun xeito especial ás xogadoras nos minutos finais, que era o corazón o que tiraba cando non chegaban as pernas. “A mensaxe deuna o fútbol sala feminino. Os tres equipos demostraron que son unhas guerreiras. Unha situación tan complicada non fixo mella e o espectáculo dado nos dous partidos estivo a altura do que merece este deporte”, engadiu orgulloso o técnico.
Julio Delgado, adestrador do Pescados Rubén Burela: “Temos a unha cidade que nos apoia en todo e na que se vive isto dunha forma especial. Que esperen, que imos con moita ilusión de velos e que faremos unha gran festa para celebralo.
O terceiro campionato do Rubén Pescados Burela augura un bo futuro para o equipo mariñés. “É un club que aposta polo fútbol sala feminino, que fai que esteamos ao límite en todas as competicións e que busquemos sempre o título. Traballase para chegar ata aquí é e nestes partidos onde demostramos que non é só chegar, tamén hai que gañar” comentou o adestrador, engadindo que, ademais, “temos a unha cidade que nos apoia en todo e na que se vive isto dunha forma especial. Que esperen, que imos con moita ilusión de velos e que faremos unha gran festa para celebralo”.
Julio Delgado valorou por encima a renuncia do CD Futsi e o videoarbitraxe
Sobre a renuncia do CD Futsi e a perda de valor deste título debido a esa circunstancia, non quixo entrar a valorar nada porque sostiña o club madrileño tiña as súas razóns para non querer xogar o play-off. E preguntado pola cuestión da tecnoloxía de videoarbitraxe, afirmaba que cre que “é unha axuda, todo o que facilite o traballo dos árbitros será benvido. Sempre que non lle quitemos o dinamismo a este deporte, vai ben encamiñado.
🗣️ Julio Delgado (@burelafs): “Podía haber caído de cualquier lado. El desgaste ha sido tremendo por parte de los dos equipos. La moneda ha caído de nuestro lado, con un resultado muy justo. Hemos tenido un pelín más de acierto que ellas”#SomosFutsal ⚽ pic.twitter.com/mAl0eZSEjM
— RFEF (@rfef) June 28, 2020
