“Non temos outro obxectivo que tentar mellorar a pasada campaña. É case imposible, somos realistas, pero tamén somos optimistas, e ímonos a centrar no case, e non no imposible”, estas foron as impresións do adestrador laranxa antes de comezar a nova tempada da 1ª División de futsal.
O conxunto lucense comezará aLiga o vindeiro día 17 de outubro na pista do Alcorcón, un rival duro, que o ano pasado acadou unha máis que meritoria cuarta praza entrando en playoffs polo título.
“Seguro que haberá sorpresas no plano deportivo”, destacou Delgado na previa deste comezo ligueiro, dando conta que a rivalidade será maior durante esta campaña.
A súa vez, o director de orquesta laranxa confía en poder seguir na liña do ano pasado, con boas sensacións, e traballando “día a día para mellorar e facer que o Pescado Rubén Burela FS sexa unha referencia tanto a nivel nacional como internacional”, matizou.
As Nosas: Como ves ao equipo tras o parón e tras tantos meses sen poder competir?
Julio Delgado: O equipo está a responder con moito traballo e tentando que as novas xogadoras adáptense canto antes á nosa idea de xogo. A ilusión é constante e as ganas por estar no 40×20 vense en cada adestramento. A situación non é fácil, pero as ganas por gozar do noso deporte fan que as nosas sesións sexan espazos de diversión.
Julio Delgado, adestrador do Burela: “O equipo está a responder con moito traballo e tentando que as novas xogadoras adáptense canto antes á nosa idea de xogo”
AS: Esta tempada 20/21 será, sen dúbida, atípica por todo o que rodea. Cres que pode ser unha oportunidade para que sexa una liga más competida e equipos podan dar a sorpresa?
JD: Seguro que haberá sorpresas no plano deportivo. Aínda así, unha liga regular é o bastante xusta como para establecer ao final da tempada o lugar que lle corresponde a cada equipo. En canto á competición, houbo bastantes movementos no verán e os equipos reforzáronse, e é posible que o número de equipos que loite polos postos altos sexa maior que na pasada tempada.
Julio Delgado, adestrador do Burela: “Seguro que haberá sorpresas no plano deportivo. Aínda así, unha liga regular é o bastante xusta como para establecer ao final da tempada o lugar que lle corresponde a cada equipo”
AS: Cales son os obxectivos do Burela para este curso?
JD: Non temos outro obxectivo que tentar mellorar a pasada campaña. É case imposible, somos realistas, pero tamén somos optimistas, e ímonos a centrar no case, e non no imposible. Temos un Club que pon á nosa disposición todas as ferramentas para poder conseguilo, e soamente pensamos en devolverlle esa confianza con títulos.
Julio Delgado, adestrador do Burela: “Non temos outro obxectivo que tentar mellorar a pasada campaña. É case imposible, somos realistas, pero tamén somos optimistas, e ímonos a centrar no case, e non no imposible”
AS: O ano pasado o equipo alzouse co título. Ves ao equipo capaz de revalidar o título?
JD: Sen dúbida. Este equipo mantivo a base do ano pasado, e reforzámonos con grandes xogadoras. Estamos en moi boa dinámica desde as dúas últimas tempadas, e temos que loitar e traballar porque esa dinámica dure o maior tempo posible. Club, plantel e corpo técnico traballa día a día para mellorar e facer que o Pescado Rubén Burela FS sexa unha referencia tanto a nivel nacional como internacional.
Julio Delgado, adestrador do Burela: “Este equipo mantivo a base do ano pasado, e reforzámonos con grandes xogadoras. Estamos en moi boa dinámica desde as dúas últimas tempadas, e temos que loitar e traballar porque esa dinámica dure o maior tempo posible”
AS: Comezades a tempada viaxando a Madrid, para xogar contra o Alcorcón, un equipo que o ano pasado quedou no cuarto lugar e disputou o playoff polo título. Pode ser un bo xeito de medir o nivel e o estado do equipo?
JD: É pronto para sacar conclusións. As primeiras xornadas estarán marcadas máis ben para ir collendo sensacións para unha tempada longa. Aínda que é certo que sairemos a competir desde o primeiro segundo, o parón tan grande que sufrimos debido á pandemia cortounos o ritmo de competición e volver recuperalo levaranos un tempo a todas.
Julio Delgado, adestrador do Burela: “As primeiras xornadas estarán marcadas máis ben para ir collendo sensacións para unha tempada longa. Aínda que é certo que sairemos a competir desde o primeiro segundo”
