O técnico Julio Delgado pecha a súa etapa liderando as Guerreiras Laranxas tras seis tempadas de ouro e doce títulos. O salmantino, xa de adopción mariñá, finaliza contrato co Pescados Rubén Burela FS e tomarase un descanso á fronte dos bancos despois da intensidade destes anos nos que o equipo brillou dentro e fóra de España conquistándoo todo.
“Se cando aceptei dirixir e adestrar a este equipo me contan o que ía vivir nestas 6 tempadas, seguramente non os crería. Vivín con sentimento, con paixón cada adestramento, cada partido… Gocei, ao fin, do 40×20 e levo comigo momentos irrepetibles”, expresa o técnico nunha carta.
A despedida do técnico laranxa
No mesmo escrito, o adestrador desfaise en agradecementos para todas as persoas que conforman o Burela: “Quero dar as grazas de corazón a todas as xogadoras, a todas; tamén a esas persoas que están á sombra e que formaron parte do corpo técnico, en especial ás deste último ano; SODES TOP. Grazas ao meu CLUB, Burela FS, e a toda a xente que o forma polo seu apoio, por confiar en min e por facerme sentir tan cómodo desde que cheguei: 1998 (case non choveu)”.
Julio Delgado: “Grazas ao meu CLUB, Burela FS, e a toda a xente que o forma polo seu apoio”
Delgado tamén tivo palabras de agradecemento á afecicón laranxas ae aos medios de comunicación: “GRAZAS, GRAZAS E MIL VECES grazas á MELLOR AFECCIÓN DO MUNDO. Que pasada xogar e adestrar co voso apoio! Quero tamén agradecer aos medios de comunicación o trato tan respectuoso e cariñoso que recibín ao longo de todos estes anos”.
Julio Delgado: “GRAZAS, GRAZAS E MIL VECES grazas á MELLOR AFECCIÓN DO MUNDO”
Na despedida, o preprarador destaca tres nomes propios, os de Eva, Julio e Pablo, a quenes califica como “tres piares que sustentaron este longo camiño”. “Sen o agarimo, a comprensión, a paciencia e o apoio da miña muller e os meus fillos isto non sería posible”, engade.
Por último, Julio Delgado sinala a Neco como o responsable da súa afección polo futsal feminino: “Quero deixar unhas últimas palabras para unha persoa que me convenceu de que o fútbol sala feminino era apaixonante, e qué razón tiña. Muito obrigado NECO!!!”.
6️⃣ temporadas con las #GuerreirasLaranxas
1️⃣2️⃣ conseguidos
9️⃣ de los últimos 9️⃣
Segundo mejor entrenador del mundo¡¡ , !! pic.twitter.com/Yr96wxuzhL
— Pescados Rubén Burela FS (@burelafs) June 30, 2021
Delgado deixa ao Burela no máis alto
Julio Delgado despídese deixando o Pescados Rubén Burela FS no mellor momento da súa historia con 9 títulos consecutivos, como actual campión de Liga, Copa de S. M A Raíña, Supercopa de España, 4 Nations Futsal e Copa Galicia, ademais de ser recoñecido nos Futsalplanet Awards como Mellor Club Feminino e segundo Mellor Adestrador Feminino.
