As Guerreiras Laranxas do Pescados Rubén Burela terán que afrontar a fase final da Copa da Raíña sen a presenza física do seu adestrador, Julio Delgado. O técnico non poderá acompañar ás burelistas a Las Rozas debido á aplicación do protocolo COVID-19, con aillamento domiciliario.
Iván Cao, Lucas, estará á fronte da expedición en sustitución do adestrador. As laranxas xa partiron a terras madrileñas, cumprindo cos tests de antíxenos semanais.