Ten 16 anos e xa fixo historia. A rider coruñesa Julia Benedetti vén de confirmar a súa praza nos Xogos Olímpicos de Toquio 2021. So hai 20 lugares para a categoría feminina na modalidade na que compite a galega, skate park, e Julia Benedetti será unha delas. Pese a non entrar na final da proba de Dew Tour, que cualificaba para os Xogos Olímpico, a deportista herculina, embaixadora de Cabreiroa, colocouse no posto 13º do ránking mundial e estará en Toquio 2021.
A competición no Park no Dew Tour, que tivo lugar en Des Moines (Iowa), adiouse pola choiva, pero finalmente puido celebrarse. A coruñesa Julia Benedetti na rolda clasificatoria para as semifinais do asinou unha puntuación de 21.57 (o día previo acadara 26.67). Aínda así a rider galega foi novena e quedou dentro do top 10 da proba na modalidade de park.
🛹 Así foi a actuación de @BenedettiPodium no @DewTour para confirmar a praza en Tokio
🎥👇 https://t.co/xWG1188UUR pic.twitter.com/MjFcrV5est— A Coruña Deportes (@coruna_deportes) May 21, 2021
Na competición do World Skate, a rider coruñesa do Maroña Indoor, Julia Benedetti, cumpriu prognósticos e estará nuns Xogos Olímpicos que, por primeira vez inclúen ao skate como deporte olímpico en dúas modalidades, Park (na que compite a coruñesa) e Street.
Resultados finais fase clasificatoria en Park feminino, Julia Benedetti figura novena
- Ruby Faith Lilley (USA)
- Kihana Ogawa (JPN)
- Minna Stess (USA)
- Jordyn Barratt (USA)
- Grace Marhoefer (USA)
- Arianna Carmona (USA)
- Kody Tamanaha (USA)
- Yndiara Asp (BRA)
- Julia Beneditti (ESP)
- Ruby Trew (AUS)
- Lily Stoephasius (GER)
- Madeline L’Archeron (FRA)
- Bombette Martin (GBR)
- Xin Zhang (CHN)
- Emily Antunes (BRA)
- Victoria De Souza Bassi (BRA)
- Josefina Tapia Varias (CHI)
- Fay Eber (CAN)
- Erica Leguizamon (BRA)
- Amelia Brodka (POL)
O podio final na na modalidade de Skate Park en Dew Tour foi o seguinte:
1. Misugu Okamoto (JPN) 51.66
2. Sky Brown (GBR) 50.22
3. Bryce Wettstein (USA) 46.53
Seis skaters españois ás ordes de Alain Goikoetxea á por praza para Toquio
A Selección Española de skate, que adestra Alain Goikoetxea ten por diante no Dew Tour aínda un par de retos preolímpicos máis. Están pendentes do seu billete a Toquio, en categoría masculina Park, os skaters Danny León e Jaime Mateu. E xa na modalidade de Street competirán buscando praza para os Xogos Olímpicos Andrea Benítez e Mar Barrera e Rafa Bocanegra.
Para Toquio 2021 o Skate conta con 80 prazas, 40 para Park e 40 para Street repartidas en 20 en cada unha delas en categoría feminina e masculina. No caso de Park, a clasificación xa rematou, pero en Street, logo da competición en Iowa no Dew Tour quedará o Campionato do Mundo que terá lugar do 31 de maio ao 6 se xuño en Roma, a Cidade Eterna.
A competición pode seguirse a través da canle oficial do Dew Tour en Youtube.
