A skater coruñesa Julia Benedetti empezaba na cidade de Sharjah (Emiratos Árabes) o seu camiño cara aos que poderían ser os seus segundos Xogos Olímpicos, París 2024. A galega competía no Mundial de skate park dentro da Selección Española e finalizou a competición no posto 27º.
O Mundial de Sharjah era a primeira proba puntuable para o ránking olímpico da world skateboarding. Na clasificación de skate park Julia Benedetti ocupa así o posto 27º neste momento. Ten por diante a outra skater española, Naia Laso, que finalizou o Mundial no posto 13º.
💥💥 Naia Laso terminó en la 13ª posición en la semifinal del Mundial 🏆 de park
✌🏼 ¡Enhorabuena por este gran torneo! 👏🏻👏🏻
¡Presente y futuro 🔝🔝! pic.twitter.com/9lzMui0ycK
— CSD (@deportegob) February 11, 2023
Lidera o ránking para os Xogos Olímpicos de París 2024 a británica Sky Brown con 80.000 puntos ao rematar primeira esta competición. A nipona Kokona Hiraki é segunda con 64.000 puntos e a súa compatriota Sakura Yosozumi é terceira con 54.400 puntos. O dominino do país do sol naciente nesta competición foi tal que a cuarta clasificada tamén foi nipona: Hinano Kusaki (43.520 puntos).
Pasaría o corte para París 2024 agora Julia Benedetti?
Para os Xogos Olímpicos de París 2024 clasifícanse 22 skaters por modalidade (street e park). Son 20 prazas que se outorgan por clasificación, logo hai unha para o país anfitrión e outra por continente non incluído. Existe tamén un máximo de tres skaters por país, tal e como informa a Federación Española de Patinaje (FEP).
Cos descartes da norma que sitúa o máximo de patinadoras por país en tres, Julia Benedetti estaría dentro do corte para os XX.OO. de París 2024. Por esta regulación quedarían fóra varias deportistas que están agora por diante da galega. En concreto, dúas skaters de Japón, cinco de EE.UU. e tamén unha brasileira. O cupo é de 20, Benedetti está no posto 27º, pero se non botamos mal as contas esa norma desbotaría a oito aspirantes que están diante dela no ránking.
Con todo, quedan aínda probas nas que a deportista coruñesa poderá mellorar os seus resultados evitando así ter que botar as contas da leiteira.
#Skate | Naia Laso y Julia Benedetti disputan ahora las clasificatorias de los Campeonatos del Mundo de #Park 🛹🔥
📊 Sigue las puntuaciones en directo, aquí: https://t.co/4BgQh5yWYc
👉 Competición puntuable para @Paris2024.
📍 Sharjah 🇦🇪 pic.twitter.com/Mg7Sti3m2Y— RFEPatinaje (@FedPatinaje) February 8, 2023
