O seleccionador nacional, Alain Goikoetxea vén de facer pública a lista de deportistas convocados para os Campionatos do Mundo de Emiratos Árabes na que está a skater galega Julia Benedetti. Esta será a segunda proba puntuable de Street e a primeira de Park, disciplina na que compite a deportista coruñesa, do novo calendario de clasificación olímpica para París 2024.
Os primeiros en entrar en acción serán os deportistas e street. A súa competición está fixada do 28 de xaneiro ao 6 de febreiro. A lista de convocados está formada por: Natalia Muñoz, Afrika Criado, Daniela Terol e Gabriel Ferrero competirán nas clasificatorias. Cabe lembrar que Natalia Muñoz e Afrika Criado xa competiron na primeira proba de Roma obtendo moi bos resultados (20ª e 23ª).
Benedetti, no quinteto de park
Do 4 ao 13 de febreiro, será a quenda dos rampeiros, para o skatepark. Aí entrará en acción a galega Julia Benedetti, así como, Danny León, Jaime Mateu, Naia Laso e Alain Kortabitarte. Este quinteto é a representación española na citada disciplina para este Mundial de skate.
Previamente, do 8 ao 13 de xaneiro, os integrantes do equipo estatal español xa se concentraron na cidade de Oriente Medio para adestrar no Aljada Skatepark e afrontar da mellor maneira os Campionatos do Mundo tanto de Park como de Street (World Skateboarding Tour Sharjah (UAE) Park World Championships).
O seleccionador nacional, Alain Goikoetxea, convocou aos seguintes riders:
Street
- Natalia Muñoz
- Afrika Criado
- Daniela Terol
- Gabriel Ferrero
Park
- Julia Benedetti
- Naia Laso
- Alain Kortabitarte
- Danny León
- Jaime Mateu
