A menos de 100 días para o inicio dos Xogos Olímpicos, a skater galega Julia Benedetti e a Selección Española de Park 2021 preparanse coa vista posta en obter unha praza para Toquio. A coruñesa está concentrada cos mellores skaters de España adestrando para as próximas citas puntuables para a clasificación olímpica.
Durante esta semana, Julia Benedetti estará concentrada en Málaga con Jaime Mateu e Danny León, baixo a dirección do seleccionador Alain Goikoetxea. A seguinte reunión terá lugar en Sevilla, entre o 28 e o 30 de abril. A galega, 18ª no ránking feminino do World Skate Skateboarding, realizará varias sesións de traballo para o calendario.
A primeira cita será o Campionato de España de Park 2021, que terá lugar en Sevilla. Despois, chegará o Dew Tour de Iowa (EUA), do 17 ao 23 de maio, con modalidades street e park. Finalmente, do 14 ao 20 de xuño celebrarase o Park Wold Championship.
