Alain Goikoetxea convocou a un total de 10 skaters (6 de Park e 4 de Street) para realizar a primeira concentración do ano. Na lista está a olímpica galega Julia Benedetti. A Selección Española de Skateboarding xa ten a vista posta en París 2024.
Despois de lograr catro prazas en Tokio 2020, os seleccionados empezarán o seu camiño clasificatorio adestrando no Aldja Skatepark Complex de Sharjah (Émiratos Árabes) do 8 ao 13 de xaneiro.
Este mesmo escenario será a sede dos Campionatos do Mundo de Street e Park que se celebrarán do 29 de xaneiro ao 12 de febreiro en ambas as modalidades olímpicas. Espérase que compita a coruñesa Julia Benedetti. Cabe lembrar que serán as segundas probas puntuables de Street e as primeiras de Park para os Xogos Olímpicos de París 2024.
O seleccionador español, Alain Goikoetxea, convocou aos seguintes riders:
Street
- Natalia Muñoz
- Afrika Criado
- Daniela Terol
- Gabriel Ferrero
Park
- Julia Benedetti
- Naia Laso
- Alain Kortabitarte
- Danny León
- Jaime Mateu
- Peio González
