Nada menos que unha medalla de ouro oficial na clasificación individual e ademais na categoría absoluta feminina, a e Joselyn Brea, así como unha prata e un ouro na clasificación por equipos, foi o balance que deixa a participación da Selección Galega de campo a a través no Campionato de España disputado na localidade biscaina de Ortuella.
🥇🥇Joselyn Brea NO MÁIS ALTO DO PODIO deste campionato que a proclama como CAMPIOA DE ESPAÑA ABSOLUTA DE CAMPO A TRAVÉS !!
¡¡¡¡Sensacional!!!https://t.co/PAAm5O61Ae pic.twitter.com/vTt1rdHZdq— Atletismo Galego (@atletismogalego) January 29, 2023
Con todo elo, é xusto recoñecer as medallas oficiosas logradas polo galego El Nabaoui (primeiro clasificado) e de Xela Martínez (segunda clasificada) que por motivos diversos non computan de maneira oficial. No caso la atleta lucense esta participación ábrelle ás portas á participación no Mundial de Bathurst coa Selección Española.
Con estos resultados producidos, desde a Federación Galega asegúrase que “o atletismo galego viviu un dos seus máis importantes campionatos de España de campo a través dos últimos lustros da man de toda unha nova xeración de talentosos e importantísimos atletas, que están chamados a ser os auténticos referentes do noso deporte nun futuro inmediato”.
O ouro de Joselyn Brea
Na carreira absoluta feminina, ausentes o ouro e o bronce de hai un ano, Carla Gallardo e Branca Fernández, as atletas afrontaron o duro percorrido de cinco voltas, de 9.500 metros. O grupo de cabeza estirouse moi pronto, coa toledana Irene Sánchez-Escribano e a vasca – marroquí Majida Maayouf, que actuaba fóra de concurso, como puntas de lanza.
Atentas tamén á participación de atletas coma Naima Ait Alibou, Carolina Robles, Cristina Ruiz, Isabel Barreiro, Laura Luengo, Joselyn Brea, Irene Pelayo…
No arranque da carreria Maayouf colleu uns metros de vantaxe, con Sánchez-Escribano detrás e tras a toledana un grupo compacto coas atletas citadas. De contado, hispano-venezolana con licencia da Federación Galega de Atletismo, Joselyn Brea foise á caza de Sánchez-Escribano e superouna, coa cántabra Irene Pelayo tras ela, con Ruiz, Robles e Luengo por detrás.
Maayouf seguía eufórica e firme na cabeza, con Joselyn Brea segunda, aburada por Cristina Ruiz, que distanciou a Sánchez-Escribano e mais de Irene Pelayo.
Joselyn Brea puido manter a segunda praza por diante e Cristina Ruiz, para proclamarse, finalmente, campioa de España por primeira vez na súa vida (lembremos que Majida Maayouf actuaba fóra de concurso outorgándoselle así a Joselyn Brea o ouro). A burgalesa Cristina Ruiz entrou ao final terceira e dese xeito repetiu a medalla de prata de 2022. Irene Sánchez-Escribano adxudicouse finalmente a medalla de bronce, a súa quinta medalla absoluta nun campionato estatal de cros.
Joselyn Brea: “Foi a carreira máis dura da miña vida”
Logo da carreira Joselyn Brea apuntaba na súa conta en Instagram que esa cita deportiva foi “o cross e a carreira máis dura na que teño competido na miña vida, no triatlón fixen competencias de 4 horas e media pero nin iso é comparable ao forte que tiven qeu ser mentalmente para non esvaecer entre tanto barro”, explicaba a atleta.
Na súa narración en primeira persoa da carreira, Joselyn Brea di: “Sentía folgos pero non sabía como correr. Agarreime a todo o que puiden. Íanseme as pernas, tiven medo e ao pouco de saír díxenmen “que fago aquí?”. Con todo, a medida que foron pasando as voltas as cousas mudaron e aos poucos funme queando soa ata que cheguei á meta. Todo un reto pero a lama non puido comigo”.
Ver esta publicación en Instagram
Tanto Ruiz como Sánchez-Escribano gañáronse o dereito para defender a España no Mundial de cros de Bathurst. Tras elas entraron a estremeña Laura Luengo, cuarta no campionato, e a incombustible cántabra Irene Pelayo, quinta no nacional. Despois finalizaron Carolina Robles e Rosalía Tárraga.
Ouro para Galicia da man das atletas Sub-23
Sobre un circuíto ao máis puro estilo do campo a través clásico, e cunha lama que por momentos chegaba prácticamente ata os xeonllos, daba comezo este campionato de España de Seleccións autonómicas ca saída da primeira das carreiras reservada para a categoría Sub-20.
Nesta proba, e sobre unha distancia total de 7.620 metros, o combinado de Galicia lograba un destacado posto de finalista por seleccións logo de sumar un total de 149 puntos. O mellor galego foi o atleta Iván Rego quen lograba entrar no posto 34º. Xunto ao lucense entraban Victor Ramos (36º); Mateo Rodríguez (40º); Gabriel Losada (45º); Héctor Rodríguez (53º) e Mario Rodríguez (56º).
Cun ambente na Selección Galega de ánimo e motivación, tomaban a saída na seguinte carreira o equipo galego Sub-23 feminino. Como se dun guión se tratara, as nosas atletas interpretaron as mil marabillas tanto o circuíto como a súa dosificación ao logo dos 9.500 metros da carreira na que tanto María Cedrón (7ª), Antía Castro (10ª) como Sara López (12ª) lideraron a un grupo que ademáis colocaba ao resto de integrantes nos postos importantes da xeral como Branca Fernández (28ª) e Lucía Varela (33ª).
🔝🔝🔝Así de orguiosas e contentas lucen as CAMPIOAS DE ESPAÑA SUB23 a súa bandeira e as súas medallas!!!!#orguiodeseleccion pic.twitter.com/QV9vIJFKgK
— Atletismo Galego (@atletismogalego) January 29, 2023
Con esta regularidade as contas non paraban de sucederse por parte dos responsables técnicos da Federación Galega de Atletismo que tiveron que agardar á suma de todos os puntos para poder celebrar o título de campioas de España por Seleccións Autonómicas nun axustadísimo final que daba á nosa Comunidade o título por diante das castelán leonesas por tan só un punto de diferencia.
💥💥💥💥💥Así remataban as nosas guerreiras logo de lograr un fantástico TÍTULO DE CAMPIOAS DE ESPAÑAAAAAAAAAAA SUB23!!!!!!
🥇🥇🥇🥇🏆🏆🏆🏆🏆🥇🥇🥇🥇🥇 pic.twitter.com/gAT6qsyRGd— Atletismo Galego (@atletismogalego) January 29, 2023
Co subidón do título logrado polo equipo feminino Sub-23, daba comezo ás 11.20 horas a proba masculina desa mesma categoría, a Sub-23, onde todas as miradas recaían no galego El Mhedi El Nabaoui. Novamente o da Estrada, fixo valer a súa gran calidade sobre cada un dos 9.500 metros da proba domiñando con talento, intelixencia e capacidade unha carreira que o confirman como unha das nosas grandes estrelas.
Pese a cruzar a meta en primeiro lugar El Mhedi El Nabaoui non pode ser considerado campión por non contar aínda coa nacionalidade española. Desde a Federación Galega de Atletismo manifestaban que agarda “dunha vez por todas que a burocracia, tan rápida para uns e tan inxustamente lenta para outros, fagan realidade a nacionalización e poidamos ver por fin el Mhedi no máis alto dun podio”.
Precisamente por equipos a Selección Galega lograba un destacado décimo posto con Yago Ignacio García (51º) ; Pedro Liste (59º); Hugo García (51º); Hugo Suárez (77º) e Alex Goberna (80º).
1️⃣4️⃣ posto para a #seleccióngalegadeatletismo absoluta masculina
💪34º Esteban García
💪54º Xabier García
💪73º Manuel Lorenzo
💪77º Rubén Diz
💪79º Nicolás Arrojo
💪89º Daniel Pérezhttps://t.co/niNIAYjmw0
¡¡¡Parabéns rapaces!!! pic.twitter.com/BpkzayrATe— Atletismo Galego (@atletismogalego) January 29, 2023
Sétimo posto para a Selección Galega de remudas mixtas
Unha das novidades deste campionato era a inclusión da carreira de remudas mixtas na que tamén tomaba parte a Selección Galega de cross logrando neste debut un excelente sétimo posto da clasificación xeral. O equipo formado por Zoe Michelle Cardín, Pablo Bocelo, Eva Piñel e Adrián Lago remataban a súa proba cun crono de 27:47 que lles permitía lograr un posto de finalista nunha modalidade gañada pola selección catalana.
Pasado xa o medio dia e cun circuíto se cabe máis enlamado e difícil de transitar, tomaban a saída as integrantes galegas do combinado absoluto feminino. A priori a presenza dun importante elenco de atletas internacionais nesta proba facía moi difícil calquer tipo de previsión sobre calquer resultado.
Máis con todo elo, novamente a calidade no colectivo e no individual volveron facer posible un excelente resultado para os intereses galegos xa que unha colosal Joselyn Brea dominaba técnica e tacticamente a proba que a facían proclamarse campioa de España absoluta quitando máis de vinte segundos á segunda clasificada.
Con este importantísimo título, a galega Joselyn Brea xunta o seu nome ás lexendarias do noso cross feminino, tales como: Estela Estévez, Julia Vaquero e María Abel, quen lograba precisamente o último título para Galicia nesta categoría fai xustamente vinte anos.
A Selección Galega, subcampioa absoluta de campo a través
Si esto acontecía no individual, o resto de integrantes da Selección Galega absoluta completaban unha carreira moi dura e complicada de maneira maxistral rematando nuns importantímos postos Edymar Brea (10ª); Laura Santos (13ª); Ester Navarrete (55ª); Begoña Domínguez (70ª) e Sofía Fernández (72ª) que daban a Galicia o subcampionato por comunidades por detrás de Castilla – León e por diante de Madrid.
💥💥💥💥SUBCAMPIOAS DE ESPAÑAAAAAAAAAAAA!!!!!!!💥💥💥💥
Novo podio para o atletismo galego co SUBCAMPIONATO DE ESPAÑA da nosa #selecciongalegadeatletismo absoluta feminina no CAMPIONATO DE ESPAÑA DE CAMPO A TRAVÉS!!!!!!https://t.co/PAAm5O61Ae pic.twitter.com/PelW4ZoByt— Atletismo Galego (@atletismogalego) January 29, 2023
A euforía e alegría a estas horas era notoria e palpable por parte de todos os integrantes da seleccción que malia elo ainda lles quedaba unha última celebración.
O outro prato forte da xornada era a carreira absoluta masculina onde a Selección Galega de campo a través pelexou e fixo todo canto puido por lograr os mellores postos posibles sobre un auténtico pantanal a estas alturas do campionato. Por equipos os galegos lograron o décimo cuarto posto dunha proba na que o mellor clasificado foi o campión galego Esteban Iglesia no 34º. Xunto ao lucense entraron en meta Xabier Rodríguez (54º); Manuel Lorenzo (73º); Rubén Diz (77º); Nicolás Arrojo (79º) e Daniel Pérez (89º).
💥💥🥈A nosa #selecciongalegadeatletismo absoluta feminina recibindo o seu trofeo que as acredita como SUBCAMPIOAS DE ESPAÑA ABSOLUTAS POR SELECCIÓNS
¡¡¡Fantástico!!!https://t.co/PAAm5O61Ae pic.twitter.com/DJu86t9yhr— Atletismo Galego (@atletismogalego) January 29, 2023
Xela Martínez acada o seu billete para o Mundial
Como punto e final quedaba a proba da categoría Sub-20 feminina á que tamén acudían a tomar parte fora de concurso atletas da categoría Sub-18 na procura dun posto na Selección Española para o mundial de campo a través do vindeiro 18 de febreiro en Australia. Nesta situación atopábase Xela Martínez quen no desaprobeitaría a oportunidade ao lograr a segunda posición da carreira e o seu billete mundialista.
Por último á Selección Galega Sub-20, e para acabar de redondear un extraordinario campionato, asinaba otra non menos destacada sexta posición da clasificación xeral con Isabel Caeiro e Ainoa Gontán como mellores galegas nos postos décimo quinto e décimo sétimo respectivamente. Xunto elas tamén entraban Carla Díaz (39ª); Lía Fernández (48ª); Carolina Santos (60ª) e Alejandra Formoso (71ª).
6️⃣ Excelente posición para a #seleccióngalegadeatletismo Sub20 femenina
💪15ª Isabel Caeiro
💪17ª Ainoa Gontán
💪39ª Carla Díaz
💪48ª Lia Fernández
💪60ª Carolina Santos
💪71ª Alejandra Formosohttps://t.co/Sd0LlDH3UP
Parabéns equipo!!! pic.twitter.com/JKyiWrDph3— Atletismo Galego (@atletismogalego) January 29, 2023
O circuíto de Ortuella debutante no Campionato de España de campo a través
Neste 2023, Ortuella, localidade próxima a Bilbao, foi escenario do 105º Campionato de España de campo a través Individual e por Federacións. Ortuella acolleu por primeira vez o campionato, que regresou a Biscaia despois de 30 anos e que xa se disputou en terras biscaíñas en 1920 (Bilbao), 1945 (Galdakao), 1961 e 1969 (Getxo) e 1993 (Amorebieta).
A mañá amenceu fría, aínda que non en exceso, cuberta de nubes pero sen choiva. O Circuíto das Balsas, traxecto único de 1.880 metros de lonxitude, como se comprobou na véspera, estaba moi brando, embarrado en moitos lugares e ata moi encharcado noutros, con dúas balsas (a de arriba e a de abaixo) que había que atravesar. Afrontárono 648 atletas (307 mulleres e 341 homes), pertencentes ás 17 federacións autonómicas.
Loitaron en todo momento contra estas adversidades, contra o chan moi brando, o barro en moitos tramos e a auga noutros, cunha gran costa na que había apertar os dentes; contemplamos non poucos resbalones, caídas e perdas de zapatillas. O terreo foi empeorando segundo pasaban as carreiras, convertendo para moitos o circuíto nun auténtico inferno, nun paradigma do cros máis clásico e duro do norte de España.
