José Valle: "Nesta ocasión a vitoria foi para nós 3-1"

O CV Arenal Emevé vencía ao Sanaya Libby,s La Laguna 3-1 no Pazo dos Deportes de Lugo ante 300 persoas. Foi o desquite da final da Copa da Raíña que perdían as galegas coas laguneras hai unha semana. O técnico das galegas, José Valle, daba conta da súa visión deste segundo partido, esta vez da Liga Iberdrola, ao final do mesmo.

“Nesta ocasión a vitoria foi para nós. Creo que fixemos un partido moi serio de principio a fin”, relataba José Valle. “Escapóusenos o primeiro set por erros os nosos no tramo final. Soubemos repoñernos a partir do segundo, aínda que empezamos frouxas. A partir dun parcial de 4-0 que encaixamos de saída logo o certo é que o equipo reaccionou e xa mandamos no resto de set e de partido”, engadiu.

Segundo explicaba o adestrador do CV Arenal Emevé, as galegas xogaron “moi ben desde o saque, presionamos a súa recepción, e logo impedimos que atacasen os seus centrais. A defensa da súa oposta e as súas receptoras foinos, entre comiñas, máis sinxela. É máis sinxelo defender a xogadoras de banda en bóla que ás centrais”.

O valor deste triunfo é notable. Tal e como apuntaba José Valle: “Son tres puntos moi importantes para estabilizarnos e manternos na categoría e moi importantes para seguir optando a entrar no play- off o máis arriba posible. Pensamos xa no partido da próxima fin de semana, tócanos CV Sayre CC La Ballena, tócanos ir a Canarias. Será un partido moi complicado. Como non podería ser doutra forma tentaremos ir buscar unha vitoria.

https://asnosas.gal/desquite-arenal-emeve-vencer-sanaya-libbys-la-laguna/