Á fronte do banco do CV Arenal EMEVÉ de Lugo está José Valle. Este ano as lucenses militan na Liga Iberdrola de voleibol. Son as únicas galegas na elite estatal feminina desta disciplina á que retornaron neste curso ao estar primeiras na táboa cando se paralizou a competición.
Que balance fai do ano 2020?: “No deportivo é bastante positivo”
“Ni que dicir ten que foi un ano terribe en moitos aspectos polo tema do Coronavirus”, empeza decindo José Valle. Pero o técnico do CV Arenal EMEVÉ recoñece que “a nivel deportivo”, si houbo novas boas.
“O noso equipo feminino conseguiu volver á máxima categoría do Voleibol Nacional, á Superliga 1, Liga Iberdrola. No momento da declaración do estado de alarma, o CV Arenal EMEVÉ estaba na primeira posición da clasificación e iso deunos o paso á Liga Iberdrola. Quedaron moitos partidos sen xogar, todas as ilusións postas nesa fase de ascenso, na organización, na progresión destas loitadoras do Emevé, tamén quedaron no caldeiro”, rememora José Valle botando a mirada atrás.
Aínda coa alegría do ascenso recente, o inicio do novo curso 2020 – 2021 tivo dificultades para o CV Emevé que el mesmo explica: “Logo da incertidume do comezo da Superliga 2020-2021 conseguimos, moi a duras penas, coller o ritmo de xogo porque non houbo partidos de pretempada, as xogadoras estranxeiras incorporáronse moi tarde, problemas e tropezos Pero parece que a partir de mediados de novembro as rapazas do Arenal Emevé empezaron a saír do letargo no que estaban sumidas. Conseguimos, ao final deste, xa pasado, 2020 acabar fora da fase de descenso”, traslada o entrenador do máximo representante do volei feminino galego.
En resumo, para o técnico do CV Arenal EMEVÉ de Lugo, José Valle, “o balance do ano2020 é bastante positivo, deportivamente falando”.
Que foi o mellor ou peor deste ano?: “Somos o único equipo de volei de España con equipo na Superliga en feminino e masculino”
“Sen dúbida, o mellor, ter conseguido o ascenso do equipo feminino á máxima categoría do Voleibol Nacional e deste xeito convertérmonos no único club de Voleibol de España con dous equipos (un feminino e un masculino) na Superliga 1”, responde José Vale.
Na parte mala do balanzo, o técnico coloca “as restricións, as limitación, o medo ao contaxio s que conleva a convivencia có SARS-COV2 e, como non, os desembolso económico que supón a realización dos tests cada catorce días, como marca o protocolo da Xunta de Galicia”.
Que lle pide o Emevé ao 2021 coma equipo?: “Que ninguén se contaxie”
A saúde volve a o primeiro termo do discurso canto preguntamos polos anhelos de cara ao ano 2021. “O primeiro que ninguén se contaxie do virus e de ser así, que a sintomatoloxía non sexa grave”, di José Valle.
O técnico do Club Voleibol Arenal EMEVÉ explica que xa a nivel deportivo, no equipo galego aspiran a “manter a categoría, quedar na Liga Iberdrola. O traballo, o esforzo das loitadoras do Arenal Emevé, a fouteza, o sacrificio, a dedicación que amosan cada día, en cada adestramento merecen esta recompensa, que non é outra que mantermos na Superliga 1”.
Tamén os equipos de base do Club de Voleibol Arenal EMEVÉ están na lista de desexos do conxunto lucense. Ao 2021 tamén lle pide José Valle, en terceiro lugar, “que os equipos de categorías inferiores, que son a base deste club, poidan participar nos campionatos de España e seguir coa progresión que lles anima a mirar ás xogadoras de Superliga como un referente de mulleres empoderadas, loitadoras e de éxito”.
