A Real Federación Española de Balonmán vén de facer público que alcanzou un acordo co adestrador José Ignacio Prades para facerse cargo do banco da Selección Española Feminina de Balonmán. Explican, ademais que “o acordo foi aprobado polos directivos do ente federativo”.
José Ignacio Prades, ata a data segundo de Carlos Viver ao mando das Guerreiras, e adestrador do Mecalia Atlético Guardés, “afronta o reto de crear un estímulo para o grupo, consciente do ambicioso proxecto que presenta a curto e medio prazo, co Mundial 2021 no horizonte”, explican desde a RFEBM.
O propio Carlos Viver anunciaba hai un par de días a súa marcha do banco das Guerreras agradecendo a confianza da Real Federación Española de Balonmán nestes catro anos de traballo como seleccionador do primeiro equipo feminino. Viver agradecía ás xogadoras e tamén ao corpo técnico que lle tiña “axudado en todo momento” e entre os que citaba ao seu substituto, Prades.
Ver esta publicación en Instagram
A José Ignacio Prades, aválalle unha dilatada traxectoria nos bancos, con 29 anos de experiencia, 9 deles na máxima categoría do balonmán feminino español, a liga Guerreras Iberdrola, adestrando a entidades da talla do Club Balonmano Elche, o Balonmano Feminino Elda e o Club Balonmán Atlético Guardés, ao que precisamente dirixe na actualidade e co que se fixo co título ligueiro en 2017.
Ademais, en clave internacional, como man dereita de Carlos Viver estes últimos anos, colaborando na conquista da medalla de prata no Campionato do Mundo de 2019 e no proxecto Obxectivo 2021 da Real Federación Española de Balonmán, que serviu para incorporar novos talentos na órbita das Guerreras.
O presidente da Real Federación Española de Balonmán, Francisco Blázquez mostrábase satisfeito do acordo “porque é un excepcional adestrador, cun control exhaustivo de todo o balonmán feminino, tanto nacional como internacional, e que achegará ese revulsivo que tanto necesita o equipo”.
Francisco Blázquez, presidente da Real Federación Española de Balonmán, di sobre José Ignacio Prades que “é un excepcional adestrador, cun control exhaustivo de todo o balonmán feminino, tanto nacional como internacional, e que achegará ese revulsivo que tanto necesita o equipo”
“É un estudoso do noso deporte”, prosegue o presidente, “pero por encima de todo é unha persoa comprometida, sabedor do moito que está en xogo neste período olímpico, que terá como fito a tres meses vista, o Mundial que organizaremos no noso país, e que debe ser un aliciente para o equipo e un estímulo para todo o balonmán feminino español”.
O presidente da Real Federación Española de Balonmán, Blázquez destaca de Prades que: “É un estudoso do noso deporte e unha persoa comprometida”
Prades terá en outubro o primeiro partido á fronte do banco das Guerreras
O primeiro compromiso de José Ignacio Prades á fronte das Guerreras será o 6 de outubro diante da Selección de Eslovaquia, na primeira xornada da fase clasificatoria para o Campionato de Europa de Eslovenia, Macedonia do Norte e Montenegro 2022.
