Chegou o día. José I. Prades, adestrador do Atlético Guardés e agora tamén das Guerreras da Selección Española debuta este mércores, 6 de outubro, como seleccionador nacional. O partido será o primeiro duelo do torneo clasificatorio para o Campionato de Europa de 2022, e o rival das vermellas será Eslovaquia. O choque poderá seguirse ás 20:45 horas en Teledeporte.
Este encontro será a volta da Selección ao terreo de xogo despois de disputar os Xogos Olímpicos este verán, nos que Prades acudiu como segundo adestrador do grupo.
José I. Prades: “Alicia Fernández e Paula Arcos estiveron a un nivel moi alto”
Antes de disputar o partido, Prades declarou á Real Federación Española de Balonmano que “vimos con moitísima ilusión e ganas de cara ao primeiro partido. Independentemente de que sexa o meu debut, creo que é importante que o equipo nacional se fixe un reto ambicioso: conseguir os catro puntos nestas dúas primeiras xornadas de clasificación para o EURO 2022”.
Prades: “Independentemente de que sexa o meu debut, creo que é importante que o equipo nacional se fixe un reto ambicioso”
A isto, o preparador engadiu que o dobre enfrontamento pode ser enganoso: “Temos que intentar dar unha boa imaxe en casa co apoio do público de Antequera, algo primordial. Non van ser dous partidos sinxelos. Son dous rivais que, malia non ser potencias, son duros e chegan en auxe. Hai que analizalos con moitísima cautela e preparar a conciencia estos dous partidos para sacar os catro puntos. Ademais, estes dous choques teñen que servirnos como unha antesala para prepararnos de cara ao noso Mundial”.
Para estas citas, Prades contará no seu plantel coa galega Alicia Fernández, ademais de coa súa pupila no Guardés Paula Arcos.
José I. Prades anuncia a súa primeira convocatoria como seleccionador das Guerreras
O último enfrontamento entre estas dúas seleccións foi en novembro do 2020, no amigable que as Guerreras disputaron ante Eslovaquia no pavillón Vicente Trueba, e no cal as españolas venceron por dous goles. Atendendo ao histórico ante esta selección, España ganou en cinco ocasións e empatou nunha.
¡Os presentamos el del partido de las #Guerreras ante @SlovakHandball en @AytoAntequera, clasificatorio para el @EHFEURO 2022!
Miércoles 6
⌚️ 20:45 h.
Polideportivo Fernando Argüelles
@teledeporte #SheLovesHandball #PlayWithHeart pic.twitter.com/3qLHcGJx4b— RFEBalonmano (@RFEBalonmano) October 2, 2021
O Guardés máis internacional
Ademais de contar con Prades e Arcos na Selección Española, o equipo galego do Atlético Guardés suma máis internacionais con compromisos nas súas filas.
As portuguesas Patrícia Lima e Sandra Santiago, internacionais habituais co seu país, están na concentración da selección lusa. Ambas xogadoras inician igual que as españolas o camino na fase de clasificaión para a EURO 2022 de Eslovenia, Macedonia do Norte e Montenefro. Ademais, os dous equipos están no grupo 5, polo que enfrontaranse entre si o domingo ás 18:00 hora española na localidade portuguesa de Paredes. Antes, as lusas xogarán contra Hungría este mércores.
Por outra parte, Carratú atópase coa Selección Arxentina, mentres que Pessoa está coa brasileira. Asunción, capital de Paraguai, acolle o Campionato Centro-Sur, clasificatorio para o Mundial de España. Seis seleccións usdamericanas buscan os tres billetes en xogo para a cita, cun formato liguilla de todos contra todos, con partidos diarios de martes a sábado. No último día, as dúas xogadoras do Guardés enfrontaranse entre si no Clásico que pecha o Premundial.
Antes, a selección albiceleste medirase a Bolivia, Chile, Paraguai e Uruguai, e a verdeamarelha irá contra Chile, Uruguai, Bolivia e Paraguai.
Semana de seleccións:
@joseignacioprad e @PaulaArcos10
@SoLcarratu
@29GabrielaP
@patricialima_19 e @sandramsantiagoEspaña e Portugal comezan a fase de clasificación para o Europeo 2022.
Arxentina e Brasil buscan plaza no Mundial de España de decembro. pic.twitter.com/9kHOYIh0W8— Mecalia Atlético Guardés (@Atlguardes_ofic) October 5, 2021
