O técnico do CRAT Residencia Rialta, Jos Portos, ten claro que as aspiracións do equipo de meterse no play-off polo título pasan por poñer toda a carne no asador de aquí ao final da liga regular. “Quédannos catro finais. Non hai marxe de erro. Hai que ir a polos catro partidos”, aseguraba a preguntas de As Nosas.
A primeira desas finais será a que mida mañá sábado 1 de febreiro as galegas coas catalás do INEF-L´Hospitalet. O CRAT Residencia Rialta recíbeas esta fin de semana en Elviña ás 16:00 horas. O encontro pertencente á xornada número 11 da Liga Iberdrola.
As xogadoras do equipo que dirixe Jos Portos ocupan o quinto lugar na clasificación da máxima competición do rugby estatal. A súa arela é retornar unha das catro primeiras prazas que lles dean opción a disputar play-offs polo título.
Jos Portos: “Se non gañamos aos tres últimos, non merecemos o play-off”
O adestrador Jos Portos lamentaba o último resultado colleitado polas coruñesas. “Foi un palo. Dímoslle a volta o marcador e pasounos como ante o Sevilla ou o Cisneros. Non soubemos controlar a pelota. É a terceira vez que nos pasa e non pode ser”.
Jos Portos, técnico CRAT: “Quedan catro partidos. Tres serán na casa. Tres serán contra os tres últimos clasificados. Se non lles ganamos, non merecemos estar no play-off”.
Á procura de solucións para mellorar o xogo do CRAT o equipo técnico artellou esta semana accións para axustar detalles en tareas defensivas. “Quedan catro partidos. Tres serán na casa. Tres serán contra os tres últimos clasificados. Se non lles ganamos, non merecemos estar no play-off”.
O balance das dez primeiras xornadas das herculinas sáldase con cinco vitorias, un empate e catro derrotas. Pola súa banda, o equipo catalán colleitou dúas vitorias e oito derrotas nos dez primeiros encontros.
Catro baixas contra un rival en curva ascendente
“O INEF-L´Hospitalet estaba descolgado pero agora está xogando de medo”, avisa Portos. “Toca poñerse o mono de traballo”, prognostica. Para este encontro o CRAT recupera a tres efectivos. Volve ao equipo a medio melé Alba Rubial, Alicia San Martín, que estaba lesionada nun pé, e se lles suman Maitane Buján e Paula.
Jos Portos, técnico CRAT: “Toca poñer o mono de traballo. O INEF-L´Hospitalet agora está xogando de medo”
Ata o de agora, Joana Murray é a xogadora do CRAT Residencia Rialta que máis ensaios logrou nestas dez primeiras xornadas (9), e a sexta xogadora en puntos anotados (45). Das xogadoras que conforman o plantel de L’Hospitalet, Ana Iglesias é sexta en puntos co pé (25), namentres que Alysha Stone é a que máis ensaios acadou na tempada, con 5.
O encontró estará arbitrado polo colexiado Luis Santos.
Para seguir en streaming o partido da Liga Iberdrola entre o CRAT Residencia Rialta e o INEF-L´Hospitalet podes acceder a esta canle de YouTube:
