Aínda que no deporte o resultado é o que queda a longo prazo, o certo é que como se perde ou se vence marca as dinámicas de xogo e as tendencias dun bloque. Por iso, no Muralla Galicia Emerging están contentas. Non gañaron, pero o seu rugby mellorou. Aínda queda moito por diante, como apunta o técnico Jos Portos, pero parecen ir no camiño de amosar sobre o terreo de xogo o seu verdadeiro nivel competitivo.
Por iso, o adestrador galego Jos Portos , que prepara ao Muralla lucence xunto a Rogelio Sabio, amosábase razoablemente satisfeito coa mellora amosada polo bloque diante do C.P. Les Abelles co que perderon por 5-34. Con todo, víaselle seguro de que as xogadoras poden ofrecer aínda moito máis. “Semella que o discurso da búsqueda das valentes callou. Estamos contentos polo cambio de actitude, pero quédanos un mundo. Non imos botar a casa pola ventá”.
Jos Portos, adestrador do Muralla: Estamos contentos polo cambio de actitude, pero quédanos un mundo. Non imos botar a casa pola ventá”
Na análise do partido Jos Portos apuntaba: “Estamos moi contentos por terse mudado a actitude. No descanso iámos 5-12, achuchando, coas nosas opcións. E ademais as rapazas batíronse e defenderon como valentes. Estamos moi contentos por ese cambio. Quédanos corroboralo e facer algo máis co balón en ataque. A liña de traballo que tiñamos.
Adestrador do Muralla, Jos Portos: “Agora vennos o coco que é o Eibar, con dúas neozelandesas unha sudafricana… do mellor que hai na categoría”
Mirando cara adiante, Jos Portos explicaba: “Agora vennos o coco que é o Eibar, con dúas neozelandesas unha sudafricana… do mellor que hai na categoría. Va a ser un partido para seguir construíndo e plantearnos o obxectivo do último partido contra o Murcia. A ver se somos quen de pescar algún punto por aí, pero igualmente imos xogarnos todo no partido co Murcia. Temos que seguir sumando e afianzando pasos que elas se sintan cómodas e que despeguen por que o rugby téñeno dentro”.
Jos Portos, adestrador do Muralla: “Temos que seguir sumando e afianzando pasos que elas se sintan cómodas e que despeguen por que o rugby téñeno dentro”
O último partido do Muralla contra o Murcia, será o decisivo
O calendario competitivo favorece ao Muralla Galicia Emerging que prepara Jos Porto xunto con Rogelio Sabio no sentido de que o partido decisivo, o que determinará se as galegas continúan ou non na categoría de prata do rugby estatal, será o último. Xogarán na casa, nas Pedreiras, e o rival a bater será o Murcia. O traballo ata ese momento consistirá en prepara ao bloque para afrontar ese enfrontamento no mellor momento de forma e de xogo posible, como se dunha final se tratase. En xogo, estará a permanencia. “Nese sentido, é bo ir medrando pouco a pouco de cara a ese partido”, admite Jos Portos.
A capitá, Carmen, tivo que pasar a noite no hospital pero xa está ben
No capítulo de altas e baixas o Muralla Galicia Emerging recuperará xogadoras de cara á vindeira xornada, pero tamén perderá outras. A preocupación onte foi Carmen. A capitá lesionouse cun forte golpe na espalda polo que tivo que pasar a noite do domingo no hospital. Hoxe, luns, xa estaba na casa, aínda que será baixa por 15 días.
Jos Portos, adestrador do Muralla: “Esperamos recuperar lesionadas”
Tamén onte, pero no quencemento a ferrolá Berta levou no golpe na rótula e xa non puido ser da partida. Segundo explicaba Jos Portos: “esperamos recuperar algunha das lesionadas de Barcelona e seguro que xa se sumará para o Eibar Loce que é un valuarte en defensa y todo corazón”.
