O CRAT Residencia Rialta quedouse ás portas do play-off polo título de Liga que actualmente ostenta este conxunto coruñés de rugby. Situadas finalmente na quinta praza e empatadas a puntos con Sanse Scrum e Complutense Cisneros, as galegas din adeus a pasar á seguinte fase competitiva. Gañaron na última xornada e con bonus, como se precisaba. Pero cando todo pasa por que os demais tropecen, cando non dependes de ti mesmo, todo se complica. Falamos cun dos integrantes do dúo que as adestra, Jos Portos que, igual que o resto do grupo atopábase triste por non alcanzar o obxectivo.
As Nosas: Gañáchedes, con bonus, pero nin así puido ser…
Jos Portos: Ao depender doutros, era difícil. As esperanzas eran poucas. O traballo tiña que terse feito antes. Agora, nada, so queda mirar para os erros, tratar de correxilos e o ano que vén, máis.
As Nosas: Quintas e empadas a 44 puntos co Sanse e co Cisneros. Unha competición moi igualada na que o pase á final a catro ven dado polos bonus. Xa non abonda so con gañar nesta categoría.
Jos Portos: No caso de empate o que prima é o número de vitorias, aí saiamos perdendo con calquera. Ao ter dous empates, é imposible. Ó que nos lastraron foron eses empates con Sanse e con Majadahonda que non nos deixaron estar máis arriba.
Jos Portos, adestrador do CRAT: “Lastráronnos os empates con Sanse e Majadahonda. Podíamos ter estado máis arriba”
Jos Portos, adestrador do CRAT, fala de “tristeza”
As Nosas: Ser o actual posuidor dun título e non poder defendelo na fase final da competición, como mínimo da rabia, non?
Jos Portos: Da rabia, e tristeza, e pena pero non hai máis. É decepcionante. Podíamos ter loitado por estar arriba. Pero non é so o resultado desta última xornada. É que o fixemos mal durante a tempada.
As Nosas: Efectivamente, chegáchedes á última xornada sen depender de vos mesmas, como se adoita dicir nestes casos, iso pode vir dado por non se ter conseguido os obxectivos en tempo. Cando pensas que se vos torceu o camiño ao play-off?
Jos Portos: Perder en Sevilla, o 23 de decembro canto tiñamos o partido na nosa man, última xogada… e facémolo mal, perdemos. É un pouco frustrante. Perdemos en Cisneros tamén, un partido en outubro que era fácil de darlle a volta. Empatamos con Sanse na casa. Perdemos con Majadahonda con polémica. E a semana pasada, para conseguir o bonus simplemente tiñamos que pousar o balón en zona de marca. E rematamos en zona de marca pero non o logramos pousalo no chan. Botas a mirada atrás e hai tantos momentos nos que cun pouquiño de sorte ou de cabeza teríamos estado dentro… pero así non.
Jos Portos, adestrador do CRAT: “A semana pasada, para conseguir o bonus so tiñamos que pousar o balón en zona de marca. Rematamos en zona de marca pero non o logramos pousalo no chan”
As Nosas: Chegades a un final de competición tan axustado, por non ser suficientemente contundentes cando tocaba?
Jos Portos: Si. Da rabia. Moito do que plantexabamos Rogelio máis eu foi sobre a intelixencia táctica. Non soubemos xogar con esas situacións nas que lle dabamos a volta ao partido e estabamos por riba e de repente non saían as cousas, ou perdíamos o balón no primeiro contacto. Miras para atrás e o que toca é analizar este resultado, por qué non fomos capaces.
Jos Portos, adestrador do CRAT: “Miras para atrás e o que toca é analizar este resultado, por qué non fomos capaces”.
As Nosas: No deporte e na vida, o importante é sempre aprender para a seguinte vez telo máis claro. Se cadra, é o que podemos sacar de beneficioso desta tempada, non si?
Jos Portos: Si somos capaces de aprender e a próxima vez darlle a volta, seguro que si. Será positivo. Agora toca mirar para adiante e tratar de que no se repita.
Jos Portos, adestrador do CRAT: “Moito do que plantexabamos Rogelio máis eu foi sobre a intelixencia táctica. Non soubemos xogar con esas situacións nas que lle dabamos a volta ao partido e estabamos por riba”
Seguinte reto para as deportistas do CRAT
As xogadoras do CRAT Residencia Rialta viviron xuntas esta xornada dominical de final de competición regular na Liga Iberdrola. A Cidade Vella da Coruña foi o escenario no que se reuniron para ver os partidos das súas rivais. O sufrimento foi común ao ver as súas aspiracións truncadas.
Agora para moitas delas remata a competición. Outras, é o caso de Paula Medín e Mónica Castelo, están convocadas coa Selección Española XV, as Leonas.
Boa parte do resto das rapazas do CRAT empezarán un novo reto coa Selección Galega. En abril comeza o Campionato de España por autonomías e alí haberá xogadoras do equipo coruñés. Galicia é a actual subcampiona. Pode ser ese un reto interesante para se quitar a espiña de non poder ter no peto este ano o Campionato de Liga.
