O Valle de las Cañas acolle o domingo 23 ás 13:00 horas unha das dúas finais que restan ao CRAT Residencia Rialta antes de finalizar a competición regular. O seu rival é o C.R. Olímpico Pozuelo. Arbitrará o encontro o colexiado Fernando Raposo.
Sen posibilidade de tropezar, as galegas que adestra o dúo formado por Rogelio Sabio e Jos Portos buscan sumar un triunfo mentres terán que mirar de reollo os resultados dos seus rivais directos dado que xa no dependen de si mesmas. “Toca gañar e agardar resultados”, di precisamente Jos Portos sobre este cruce co Pozuelo.
Alejandra súmase á baixa de Kate
Na cabeza do adestrador non semella haber lugar para as dúbidas. “Agora non caben erros. So queda gañar”, di con rotundidade. No debe das coruñesas estarán a baixa xa coñecida por sanción de Kate, á que se suma a da medio melé Alejandra. A sub 18 ten unha escordadurade ligamentos no xeonllo.
Para poder colarse no ansiado Top4, ás coruñesas xa non lles abonda gañar todos os seus partidos. Pero ese requisito é condiciona sine qua non para meteres neses catro primeiros lugares ao final da liga regular. Sen ocupar unha desas prazas, o soño do CRAT de aspirar a un novo entorchado que colocar nas sús vitrinas sería unha quimera.
Con todo esa ilusión das herculinas por estar na final a catro é unha posibilidade factible. Agora mesmo son cuartas, catro puntos por debaixo do C.R. Complutense Cisneros. Majadahonda, Cocos e Sanse ocupan os tres primeiros postos e por esa orde. Esta xornada enfróntanse entre deles.
O rival das galegas desta xornada, o Pozuelo, é o sexto clasificado a bastante diferencia das coruñesas polo que debera ser, sobre o papel, un rival asequible. Pero nada está escrito no deporte ata que se xogan os partidos.
As contas que levarían ao CRAT á final a catro
Pensando nas posibilidades matemáticas do CRAT, no club facían esta semana unha análise dos escenarios posibles polos cruces dos rivais. Baixo o titular “As posibilidades do CRAT” botaban contas.
A conclusión era a seguinte: “Pese a que a situación é complicada e a matemática, máis aínda, moitas combinacións moi posibles farían que o CRAT Residencia Rialta poidese pelexar polo título gañando os seus dos partidos restantes. Por exemplo, tan so con que non se obteñan bonus ofensivo ou se empate no duelo directo Sanse-Cisneros (algo que estatisticamente ocorre nun 67% dos encontros), as coruñesas estarían na loita”.
Pero o certo é que so unha cousa aínda depende das xogadoras do CRAT: gañar os seus partidos. Sábeno e sairán a por todas.
O partido poderá seguirse online no seguinte enderezo: Olímpico Pozuelo RC vs CRAT Residencia Rialta.
