Jorge Vilda chama a Peke e Abelleira á Selección Española

Tardou, pero chegou. O adestrador da Selección Española de Fútbol Feminino, Jorge Vilda, vén de convocar a Peke e Tere Abelleira co combinado estatal. O concurso de ambas as dúas xogadoras con RC Deportivo ABANCA na tempada pasada chamou a atención do técnico.

A dianteira deportivista Peke viña chamando á porta da Selección Española había tempo ao se converter nunha das máximas goleadoras na máxima categoría do fútbol feminino estatal. A deportista acadou varios hat tricks e, xunto co resto do bloque branquiazul, supuxo unha das sensacións da tempada 2019-2020 na que as coruñesas debutaban na elite.

Tamén está na convocatoria a pontevedresa Tere Abelleira, que agora milita no Real Madrid. Sen embargo, dado que aínda non se ten comezado a tempada, é lóxico pensar que a súa convocatoria é froito do gran papel que fixo nas filas do equipo galego a pasada campaña na Primera Iberdrola. Abelleira xa vestiu a ‘Roja’ en categorías inferiores. De feito foi Campiona de Europa coa Selección Sub 19.

Ambas as dúas futbolistas están citadas por España para se medir a Moldavia nun partido que vai ser clasificatorio para a Eurocopa de Inglaterra 2022. A cita está marcada para o vindeiro sábado 19 de septiembre ás 19:00 (hora local, 18:00 horas en España). O Estadio Zimbru en Chisinau acollerá o cruce.

O FC Barcelona é o club que máis futbolistas aporta nesta chamada de Jorgel Vilda. A convocatoria da Selección Española Absoluta está conformada polas seguintes xogadoras:

ATHLETIC CLUB	Lucía García Ainhoa Vicente
CLUB ATLÉTICO DE MADRID	Amanda Sampedro
FC BARCELONA	Alexia Putellas Andrea Pereira Leila Ouahabi Mariona Caldentey María León Sandra Paños Aitana Bonmatí Patricia Guijarro Jenni Hermoso
LEVANTE UD	Alba Redondo Irene Guerrero
MANCHESTER UNITED	Ona Batlle
OLYMPIQUE LYONNAIS	Lola Gallardo
PARIS SAINT GERMAIN	Irene Paredes
REAL CLUB DEPORTIVO DE LA CORUÑA	Ainize Barea “PEKE”
REAL MADRID CF	Ivana Andrés Marta Corredera Marta Cardona Teresa Abelleira
REAL SOCIEDAD DE FÚTBOL	Sun Quiñones

Peke terá que competir por un posto con xogadoras da talla de Jenni Hermoso, Marta Cardona, Alba Redondo, Mariona Caldentey ou Lucía García. A bo seguro que Aineze Barea buscará aportar o seu olfato de gol á Selección.

No caso de Tere Abelleira, non estará tampouco doado facerse cun sitio no centro do campo.

⚠️ OFICIAL | ¡Vuelve la @SeFutbolFem!
📝 Esta es la lista de convocadas de Jorge Vilda para el próximo partido ante Moldavia#JugarLucharYGanar 💪🏻 pic.twitter.com/jLlphpBVtH
— Selección Española Femenina de Fútbol (@SeFutbolFem) September 2, 2020

Pekegol

O adestrador, Jorge Vilda, apuntaba en rolda de prensa que xa hai tempo que coñecen o traballo tanto de Peke coma de Tere. Apuntou que ambas as dúas contan cun “gran potencial e polivalencia”, destacando que esa cualidade supón para as futbolistas “un valor engadido”. No caso de Tere dixo que podía xogar até en moitas posicións: Mediocentro, interior, interior máis retrasada ou ata de mediapunta.

Jorge Vilda explicaba que “cando alguén pensa en Peke, pensa en gol. E nós pensamos o mesmo (…) Conseguir definir é do máis valioso do fútbol, ela teno e iso é o que máis valoramos”.

🗣️ Vilda: “Conocemos hace tiempo a Peke y a Teresa Abelleira. Tere tiene un gran potencial y polivalencia, y eso es un valor añadido. En cuanto a Peke, cuando alguien piensa en ella, piensa en gol, y nosotros pensamos lo mismo”#JugarLucharYGanar pic.twitter.com/vGXNQpZipg
— Selección Española Femenina de Fútbol (@SeFutbolFem) September 2, 2020

No RC Deportivo ABANCA recibíase con satisfacción a nova da convocatoria da dianteira herculina para xogar coa ‘Roja’ fronte á Selección de Moldavia este mes de setembro.

Peke, citada por la selección española absoluta para enfrentarse a Moldavia este mes de septiembre https://t.co/szJGRf5mVO Parabéns @AinizeBarea! #PekeSelección pic.twitter.com/ee56uW5LqO
— RC Deportivo (@RCDeportivo) September 2, 2020

Se queredes escoitar a rolda de prensa completa de Jorge Vilda, deixámosvola por aquí:

🚨¡Estamos EN DIRECTO!🚨
Sigue la rueda de prensa de Jorge Vilda para valorar la lista de la @SeFutbolFEM para medirnos a Moldavia#JugarLucharYGanar https://t.co/e7thE7ZGRV
— Selección Española Femenina de Fútbol (@SeFutbolFem) September 2, 2020